Jeremia 34:19 - ÎVUKU RÎA ÛVORO MWARO

¹⁹ Andû acio nîo: atongoria a Juda, atongoria a îtûûra rîa Jerusalemu, andû arîa ngaramba, athînjîri-Ngai na andû onthe arîa maavîtûkîrîre gatagatî ga icunjî icio igîrî cia njaû îo.

Jeremia 34:19 ပူးပေါင်းရင်းမြစ်များ

Kîam 15:17

Na rîrîa riûa rîathûire na gûgîtuka, mwaki mûnene watogaga ndogo na kîmûrî gîakanîte nîciavîtûkîrîre gatagatîrî ka nyamû icio.

Kîam 15:8

Nwatî Aburamu nîwaûririe atîrî, “Ngai-Mûnene Ngai, nie nîngîmenya atîa atî vûrûri ûcio ûkeethîrwa ûrî wakwa?”

2Atha 24:12

Jehoiakini, mûthamaki wa Juda, ng'ina, anake ake, athigari ake, wana ndungata cia nyomba yake nîmerekererie kûrî mûthamaki wa Babuloni. Jehoiakini aanyitirwe mûgwate mwakarî wa kanana (8) Nebukadinezarû arî mûthamaki wa Babuloni.

2Atha 24:15

Nebukadinezarû nîwavirire Jehoiakini Babuloni vamwe na ng'ina, aka ake, ndungata ciake, na atongoria a vûrûri wa Juda, marî mîgwate.

Jeremia 29:2

Jeremia aandîkire maarûa îo vuva wa mûthamaki Jekonia, mûthamaki mûndûmûka, andû ngaramba, anene a Juda na Jerusalemu, mavundi na aturi kûvirwa îthamîriorî.

Jeremia 34:10

Nao andû onthe na atongoria ao arîa marûthire kîrîkanîro kîu nîmetîkanirie kûrekereria ngombo icio cia arûme na cia aka, na gûtikethîrwe na mûndû ûkamatua ngombo rîngî. Nao nîmaamarekererie wata ûrîa metîkanirie.

Jeremia 38:7

Nwatî Ebedimeleku, ûrîa warî ngaramba kuuma Ethiopia na wekaraga nyomba kwa mûthamaki nîweguire atî nîmaikîtie Jeremia kîrikorî Kîam manjî kîrî na ndaka. Vîndî îo mûthamaki ekarîte kîvingorî Kîam Benjamini.

Jeremia 39:6

Mûthamaki wa Babulonia nîwaûragire avîcî a Zedekia marî Ribula, Zedekia akîonaga. Nebukadinezarû nîwacokire akîûraga atongoria onthe a Juda.

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Danieli 9:8

Ngai-Mûnene, tue, athamaki etû, aathani etû, na methe metû, tûrî na gîconoko nîûndû nîtûkûvîtîrîtie.