Jeremia 34:17 - ÎVUKU RÎA ÛVORO MWARO

¹⁷ Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 34:17 ပူးပေါင်းရင်းမြစ်များ

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Jeremia 15:2

Na mangîkûûria, ‘Nîtûthiî kû?’ Ûkaamera, ‘Nie Ngai-Mûnene mbugîte atî: Arîa matuîrîrîtwe kûûragwa nî mîrimû makaaûragwa nî mîrimû, arîa matuîrîrîtwe kûûragîrwa mbaararî makaaûragîrwa mbaararî, arîa matuîrîrîtwe makaûragwa nî yûra makaaûragwa nî yûra, arîa matuîrîrîtwe gûtavwa mavirwe îthamîriorî nîmagaatavwa mavirwe kuo.’ ”

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Jeremia 21:7

Nie Ngai-Mûnene nîrauga atî vuva wa ûguo, nîngaavecana Zedekia mûthamaki wa Juda, ndungata ciake, na andû a îtûûra rîîrî, arîa magatigarua nî mîrimû, mbaara na yûra kûrî mûthamaki Nebukadinezarû wa Babuloni na nthû cienyu irîa ciendaga kûmûraga. Nebukadinezarû akamaûraga na rûviû na gûtirî mûndû ûgaatigara kana arekererue wana kana eguîrwa ntha.”

Jeremia 29:17

Ngai-Mûnene mwene vinya wonthe arauga atî, ‘Nîngûmaretere mbaara, yûra na mîrimû, na ndûme matuîke ta ngûû mboru na njûku mûno ûndû itangîrîka.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 32:25

Nwatî we Ngai-Mûnene, nîwe wambîrire ngûre mûgûnda na mbeca na mbige aira, wana ethîrwa îtûûra rîîrî rîrî vakuvî kûtharîkîrwa nî andû a Akalidei.”

Jeremia 32:36

Kwoguo rîu, Ngai-Mûnene Ngai wa Isiraeli arauga ûvoro wîgiî îtûûra rîîrî atîrî, “Jeremia, andû aya marauga atî na njîra ya mbaara, yûra na mîrimû vûrûri ûyû nîûkaarekerua kûrî mûthamaki wa Babuloni. Nwatî nie nîrauga atî,

Jeremia 34:8

Gîkî nîkîo kiugo kîrîa gîakinyîre Jeremia kuuma kûrî Ngai-Mûnene, vuva wa mûthamaki Zedekia kûrûtha kîrîkanîro na andû onthe a Jerusalemu atî marekererie

Jeremia 38:2

Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Danieli 6:24

Mûthamaki nîwacokire akîathana atî andû acio onthe maacukîte Danieli na magîtûma aikue îrimarî rîa mînyambû, maikue îrimarî rîu vamwe na aka ao na ciana ciao. Nao onthe nîmaakîrirue vinya nî mînyambû na makiunangwa mavîndî wana mbere ya makinya gîtina Kîam îrima rîu.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Agal 6:7

Mûtikaveenue, Ngai ndanyûrûragua. Nîûndû mûndû agaaketha kîrîa avandaga.

Gûco 19:19

mûira ûcio agîrîrwe nî gûtuîrwa na avewe îvera rîrîa mûndû ûcio ûthitangîtwe angîvewa. Ûguo nîguo mûkaathiria wîvia gatagatîrî kenyu.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”