Jeremia 34:14 - ÎVUKU RÎA ÛVORO MWARO

¹⁴ ‘Wa mîaka mûgwanja yathira, nwa nginya mûrekagîrîrie Mûhibirania ûcio wendetue arî ngombo na ûgûtungatîte mîaka îtandatû. Mwagîrîrwe nî kûmarekereria matikarute wîra kwenyu rîngî.’ Nwatî methe menyu matianthikîrîria kana mambîgua.

Jeremia 34:14 ပူးပေါင်းရင်းမြစ်များ

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Atha 9:22

Nwatî Solomoni ndaatua andû a Isiraeli ngombo; aamatwire athigari a mbaara, ndungata ciake, anene ake, atongoria a athigari a mbaara, amûrithia a ikaari ciake cia mbaara, na andû ake arîa maathiîcaga matûîte mbarathi.

2Maû 28:10

Na rîu mûvangîte gûtua aka na arûme a Juda na a Jerusalemu ngombo cienyu. Anga wanamue mûtiîvîrîtie Ngai-Mûnene, Ngai wenyu?

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Jeremia 11:7

Nîûndû rîrîa narutire methe mao Misiri, nînamerire na kinyi mambathîkîre na nginya ûmûnthî nînîmeraga mambathîkîre.

Jeremia 32:30

Gûtirî ûndû andû a Juda na a Isiraeli maneka kuuma marî ethî, tiga wa maûndû macûku. Ciana cia Isiraeli nîindakarîtie na maûndû marîa mekaga. Ûguo nîguo Ngai-Mûnene arauga.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Ezek 20:4

“Mûndû, nîûgaatuîra andû aya? Mamenyithie maûndû marî mûgiro marîa meekirwe nî methe mao ma tene.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Alawi 25:10

Ûguo nîguo mûkaamûra mwaka wa mîrongo îtano na mwanîrîre wîyathi kûrî andû onthe arîa matûûraga vûrûrirî ûcio. Indo cionthe irîa ikethîrwa ciendetue nîigaacokerua ene kana njiarwa ciao, nake mûndû wa wonthe wendetue arî ngombo nîagaacoka kwa andû ao.

Amosi 2:6

Ngai-Mûnene arauga atîrî, “Andû a Isiraeli matûûraga mevagia, kwoguo ndigaatiga kûmaverithia, nîûndû mendetie andû arîa athingu sîlûva, na makendia athîni mavewe iratû.

Amosi 8:6

Tûkaagûraga arîa matarî na vinya na sîlûva, na arîa ngîa tûmagûrage na iratû cia nyamûga, na twendagie muura wa ngano.”

Aroma 7:24

Kaî nîrî mûndû mûthînîku-î! Nû ûngîndethûra kuuma mwîrîrî ûyû wa gîkuû?

Gûco 15:1

“Mwakarî wa mûgwanja mûkaarekagîra andû arîa onthe marî na mathiirî menyu.

Gûco 15:12

“Mûndû wenyu arî mûndûmûka kana mûndûmûrûme angîendua kwenyu arî ngombo, nîakaamûtungatîra îvinda rîa mîaka îtandatû, nwatî mwaka wa mûgwanja mûkaamûrekereria.

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.