Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 33:9 - ÎVUKU RÎA ÛVORO MWARO

9 Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

အခန်းကိုကြည့်ပါ။ ကော်ပီ




Jeremia 33:9
40 ပူးပေါင်းရင်းမြစ်များ  

Mothamaki ma mavûrûri monthe marîa megwire ûrîa Ngai-Mûnene aavootete nthû cia Isiraeli nîmeetigîre Ngai.


Rîrîa nthû cietû cionthe na ndûrîrî irîa ciatûthiûrûrûkîrîtie ciegwire atî wîra wa gûtuma rîngî rûthingo nî mûrîku, nîmaamakire na makîgua maconokete mûno. Nîmaacokire makîmenya atî nî Ngai ûtûtethetie kûruta wîra.


Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.


Nwatî we nîûtwovagîra, nîguo tûgûtîîage.


Nîwanthomithirie kwina rwîmbo rûcerû, rwîmbo rwa gûkumia Ngai wetû. Andû eengî mona ûguo nîmagetigîra, na mevoke Ngai-Mûnene.


Acio nî andû arîa naûmbire marî akwa nie mwene, nîguo managîrîre ngumo yakwa!


Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”


Nîûkoona ûguo, na wîcûrwe nî gîkeno, ngoro yaku nîgaacanjamûka nî gûkena, nîûndû ûtonga wa ndûrîrî nîûkaaretwe kûrî we, ûtonga wa îriarî nîûkaaretwe kûrî we.


Nîûndû wa Zayuni ndigaakira, na nîûndû wa Jerusalemu ndikaanogoka, nginya rîrîa ûthingu ûkaara kuo ta ûtheri, na ûvonokanio wakanîte kuo ta kîmûrî.


Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”


We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.


Mûtikamûve kanya ga kûnogoka nginya acokanîrîrie îtûûra rîa Jerusalemu, na arîtue îtûûra rîa gûkumagua nî nthî ng'ima.


Ingîvîa ta ûrîa mwaki ûvîvagia kîthaka, ta ûrîa mwaki ûtûmaga manjî matherûke. Ûka ûmenyithanie rîîtwa rîaku kûrî nthû ciaku, na ûtûme ndûrîrî cinaine irî mbere yaku!


Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”


We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.


Nîngamagitîra na nîmeke maûndû maro na nîngamacokia vûrûrirî ûyû. Nîngamatuma na ndikamomomora; nîngamavanda na ndikamang'aûrania.


nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”


Îno nîo maarûa îrîa mûrathi Jeremia aatûmîre atongoria, athînjîri-Ngai, arathi na andû arîa Nebukadinezarû aavirîte îthamîriorî Babulonia kuuma Jerusalemu.


Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.


Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.


Nîngaavaithia athînjîri-Ngai na indo mbaro, na mvingîrie andû akwa maavata mao monthe. Ûguo nîguo nie Ngai-Mûnene nauga.”


Nîngamûvanda rîngî, na nîmûgekindîria mue andû akwa a Isiraeli! Nîmûgooca rîngî indo cienyu cia kwina mwîinie na gîkeno mûcanjamûkîte.


Ngai-Mûnene arauga atîrî, “Wata ûrîa ndeterete andû aya maûndû manene na macûku, nwa guo ngamaretera maûndû monthe maro marîa nîmerîrîte.


Ngai-Mûnene arauga atîrî, “Kavinda nîgagûkinya, rîrîa ngavingia kîîranîro gîakwa na andû a Isiraeli na a Juda.


na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”


Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?


Îtûûra rîrîa rîrî ngumo nîrîtiganîrie; îtûûra rîecûrîtwe nî gîkeno!


Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.


Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.


Andû onthe vûrûrirî nîmagaatethereria kûthika andû arîa akuû, na ûndû ûcio nîûkaamaretera ngumo mbaro vîndî îrîa ngoonania riiri wakwa. Ûguo nîguo nie Mwathani Ngai-Mûnene mbugîte.


Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.


“Anîrîra rîngî uge Ngai-Mûnene mwene vinya wonthe augîte atî matûûra ma andû ake nîmagaacoka magacîre mûno, na Ngai-Mûnene aûmîrîrie Zayuni na athuure Jerusalemu.”


“Taroria, nîngûtûma Jerusalemu îtuîke ta gîkombe gîa kîndû kîngîtûma mûndû arîwe ta ûnyuîte ndivei. Juda nîkaatharîkîrwa na Jerusalemu îrigicîrue.


Ngai-Mûnene Ngai wenyu nîakaamûcokia vûrûrirî ûrîa warî wa methe menyu nîguo mûwîgwatîre rîngî; nîagaatûma mûthatûkwe mûno na mwîngîve makîria gûkîra methe menyu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ