Jeremia 33:6 - ÎVUKU RÎA ÛVORO MWARO

⁶ Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Jeremia 33:6 ပူးပေါင်းရင်းမြစ်များ

Thaburi 147:3

Ke nîavonagia arîa akuû ngoro, na akamova ironda ciao.

Thaburi 37:11

Nwatî andû arîa avooreri nîo makeegwatîra nthî, na makenagîre ûtûûro mwaro na thayû.

Thaburi 67:2

nîguo andû a nthî yonthe mamenye wendi waku; na mavûrûri monthe mamenye ûvonokio waku.

Thaburi 72:7

Ûthingu ûrothiî na mbere ûtûûrorî wake wonthe, na kûgîe na thayû tene na tene.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Isaia 2:4

Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 39:8

Nake Hezekia nîwerire Isaia atîrî, “Mîgambo ya Ngai-Mûnene îo wauga nî mîaro.” Mûthamaki aaugire ûguo nîûndû eeciragia atî, nîgûkethîrwa na thayû na ûgitîri vîndî ya ûtûûro wake wonthe.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 57:19

Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.

Isaia 58:8

“Mweka maûndû mau, wega wakwa ûkaamwaragîra ta riûa rîkîratha, na mwarwara mûkaavoraga na îvenya. Ciîko cienyu mbaro nîcio ikaamûtongoragia, naguo riiri wa Ngai-Mûnene ûmûgitagîre kuuma mwena wa vuva.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Mika 4:3

Ngai nîagaatuithania maciira ma mavûrûri meengî, na egwithanie mavûrûri marîa marî vinya ma kûraca. Nîmagaatura mviû ciao ituîke macembe ma gûcimba, namo matumû matuîke tûviû twa gûcaa. Gûtirî vûrûri ûkaarûa na vûrûri wîngî, na gûtirî vûrûri ûkeevarîria nîûndû wa mbaara rîngî.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Johana 10:10

Mwîi aûkaga tu nîguo aîe, aûrage na acûkangie. Nie mbûkîte nîguo mûgîe na mwoyo na mûgîe naguo viû.

Aefeso 6:23

Mue muonthe arîa mwîtîkîtie Mwathani mûrogîa na thayû na wendani ûrî na wîtîkio kuuma kûrî Ngai Vava wa vamwe na Mwathani Jesû Kristû.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,