Jeremia 33:12 - ÎVUKU RÎA ÛVORO MWARO

¹² Ngai-Mûnene mwene vinya wonthe arauga atîrî, “Kûndû gûkû gûtarî andû kana nyamû cia kîthaka, matûûrarî ma kuo monthe nîgûgaatuîka kûndû kwaro gwa kûrîthia ng'ondu ciao.

Jeremia 33:12 ပူးပေါင်းရင်းမြစ်များ

Rwîmbo rwa Nyîmbo 1:7

Tambîra, we mwendwa wakwa, nîûthiî kûrîthia ng'ondu ciaku kû? Ikaanogoka kû thaa thita cia mûthenya? Ndikwenda ngaagûcaria gatagatî ka arîthi acio engî.

Isaia 65:10

Ciandarî cia Sharoni igaatuîka cia kûrîthagua ng'ondu, nacio Ciandarî cia Akori ituîke kûndû gwa kûnogokagwa nî ng'ombe cia andû akwa arîa maanjaragia.

Jeremia 17:26

Nao andû nîmakauma îtûûrarî rîa Juda na matûûra marîa mathiûrûrûkîrîtie Jerusalemu kuuma îtûûrarî rîa Benjamini, Shefela, kuuma vûrûri ûrîa ûrî irîma na kuuma Negebu, na nîmakaaruta matega ma kûvîvua, na magongoona, na matega ma irio cia mûgûnda na ûbani mûnungi waro, vamwe na matega ma gûcokia ngatho. Makarete indo ino cionthe hekarûrî ya Ngai-Mûnene.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 31:24

Andû a Juda na matûûra ma kuo monthe, arîmi, arîthi arîa mathiûrûrûkaga kûndû na kûndû na ndîthia ciao.

Jeremia 32:15

Nîûndû Ngai-Mûnene, mwene vinya wonthe na Ngai wa Isiraeli augîte atî andû nîmakaagûra rîngî nyomba, ithaka na mîgûnda ya mîthavibu vûrûrirî ûyû.”

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 50:6

“Andû akwa mekariî ta ng'ondu ciûrîte, ivîtithîtue njîra nî arîthi ikerekera irîmarî. Maraûrûra kuuma kîrîma kîmwe nginya kîrîa kîngî, nginya makariganîrwa nî kûrîa maumîte.

Jeremia 51:62

na uge atî, ‘Ngai-Mûnene, we mwene nîwe uugîte nîûgûcûkangia kûndû gûkû, nîguo gûtikanacoke gûtûrwa nî andû rîngî wana kana nyamû, nwatî gûgatuîka werû tene na tene.’

Ezek 36:35

Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.

Hagai 1:4

“Nî vîndî yenyu ya gûtûûra nyombarî itumîtwe waro, wa rîrîa hekarû yakwa îromomoka?”