Jeremia 32:7 - ÎVUKU RÎA ÛVORO MWARO

⁷ Hanameli, mamaguo mûvîcî wa Shalumu nîagûka kûrî we akwîre atîrî, ‘Gûra kîthaka gîakwa kîrîa kîrî Anathothi, nîûndû we nîwe ûrî na kîvooto gîa gûûkûûra ûûgûre.’ ”

Jeremia 32:7 ပူးပေါင်းရင်းမြစ်များ

1Atha 14:5

Ngai-Mûnene nîwerîte Ahija atî mûka wa Jeroboamu nîathiîte kûmûria ûvoro wîgiî mûvîcî ûrîa warî mûrwaru. Na Ngai-Mûnene nîwerire Ahija ûrîa akaamwîra. Vîndî îrîa mûka wa Jeroboamu aakinyire, nîwegarûrire agîîtua ta mûndû wîngî.

Jeremia 1:1

Îno nî ciugo cia Jeremia mûvîcî wa Hilikia, ûmwe wa athînjîri-Ngai a îtûûra rîa Anathothi vûrûrirî wa Benjamini.

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 32:6

Nake Jeremia nîwaugire atîrî, “Ciugo cia Ngai-Mûnene nîcianginyîre ngîrwa atî;

Jeremia 32:8

Kwoguo, Hanameli mûvîcî wa mama nîwaûkire na akîmbîthîrîria kîvingorî kîu Kîam arangîri wata ûrîa Ngai-Mûnene augîte, na akîmbîra atîrî, “Gûra mûgûnda wakwa ûcio ûrî Anathothi vûrûrirî wa Benjamini, nîûndû kîvooto gîa kûûgaa nî gîaku; ûgûre ûtuîke waku.” Vîndî îo nîrîo namenyire atî nî Ngai-Mûnene wambaragîria.

Alawi 25:23

“Mûtiagîrîrwe nî kwendia mûgûnda wenyu viû, nîûndû tî wenyu. Nî wakwa, na mue mûrî ageni evîtûkîri arîa etîkîrie gûûtûmîra.

Alawi 25:24

“Vîndî îrîa mûgûnda ûkwendua, mûndû ûrîa warî mwene guo mbere nwanginya avewe kamweke ga kûûgûra arî wa mbere.

Alawi 25:25

Mûisiraeli angîkaathîna na endie mûgûnda wake, mûrwang'ina ûrîa maciaranîrîtue nake nwanginya akaagûra mûgûnda ûcio rîngî.

Alawi 25:34

Nwatî gûtirî mûndû wagîrîrwe nî kwendia mîgûnda îrîa îthiûrûrûkîrîtie matûûra ma Alawi, îgaatûûra îrî yao.

Alawi 25:49

kana mamawe kana mûvîcî wa mûrwang'ina na îthe kana mûndû wîngî wa nyomba yao; kana ke mwene angîtonga nwa ekûûre.

Ndari 35:2

“Atha andû a Isiraeli magaîre Alawi matûûra ma gûtûûra kuuma vûrûrirî ûrîa maagaîrwe, na kûndû gwa kûrîthia ndîthia ciao kûthiûrûrûkîrîtie matûûra mau.