Jeremia 32:39 - ÎVUKU RÎA ÛVORO MWARO

³⁹ Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Jeremia 32:39 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Thaburi 128:6

Ûrotûûra nginya ûkoona ciana cia ciana ciaku! Isiraeli kûrogîa thayû!

Thaburi 86:11

Nthomithia njîra ciaku, we Ngai-Mûnene, na nîngûkwathîkîra nîrî mwîvokeku; nthomithia nîguo ngûtungatage na ngoro yonthe.

Nthi 23:17

Ndûkeguîre andû evia wîru, nwatî ûtûûre wîtigîrîte Ngai-Mûnene vîndî cionthe.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Isaia 52:8

Tegueni mûgambo wa arangîri aku, maraina vamwe nî gûkena! Nîûndû nîmareyonera na metho mao o ene, gûcoka kwa Ngai-Mûnene îtûûrarî rîa Zayuni!

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Ezek 37:22

Nîngaamatua rûrîrî rûmwe rûrî vûrûrirî wa Isiraeli ûrîa ûrî irîma. Onthe magaatuîka a mûthamaki ûmwe na matigaacoka gûtuîka ndûrîrî igîrî, na matikagaûkana matuîka mothamaki maîrî.

Ezek 37:24

Ndungata yakwa Daudi nîgaatuîka mûthamaki wao, na methagîrwe marî a mûrîthi ûmwe. Nîmakaarûmagîrîra matuîro makwa ma ciira na mavingagie mawatho makwa.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Ciîko 13:33

Na rîu Ngai nîavingîtie kîîranîro gîkî nîûndû wetû, tue ciana ciao. Akîvingîtie na njîra ya kûriûkia Jesû. Wa ta ûrîa kwandîkîtwe Thaburirî ya kaîrî atîrî: ‘We ûrî Mûriû wakwa; ûmûnthî nînatuîka Aguo.’

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Ciîko 3:26

Kwoguo Ngai nîwathuurire Ndungata yake na akîmîtûma kûrî mue mbere, nîguo îmûrathime na îtûme wa mûndû wa wonthe agarûrûke atige mîtugo yake ya waganu.”

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 11:16

Ethîrwa kîenyûa Kîam mûgate kîrutîrîtwe Ngai nî kîtheru, mûgate wonthe nî mûtheru. Ethîrwa mîri ya mûtî îrutîrîtwe Ngai nî mîtheru, wana mvûa nî ntheru.

1Akor 7:14

Nîûndû mûthuuri ûrîa ûtetîkîtie nîwîtîkagîrwa nî Ngai nîûndû wa kûnyitana na mûka. Nake mûndûmûka ûrîa ûtetîkîtie nîwîtîkagîrwa nî Ngai nîûndû wa kûnyitana na mûthuuriwe. Angîthîrwa ûguo tîguo kûrî, ciana cienyu itingîrî ntheru, nwatî ûrîa kûrî nî atî ciana icio nîciîtîkagîrwa nî Ngai.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Gûco 6:24

Kwoguo Ngai-Mûnene, Ngai wetû nîwatwathire twathîkagîre maathani mama na tûmûgoocage. Tweka ûguo, ke akaamenyagîrîra vûrûri wetû na atûmage ûthiî na mbere.

Ahib 10:20

Ke nîwatûvingûrîre njîra njerû na îrî mwoyo avîtûkîrîrîte gîtambaarî gîa hekarû. Ûguo nî kuga njîra ya mwîrî wake ke mwene.