Jeremia 32:33 - ÎVUKU RÎA ÛVORO MWARO

³³ Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Jeremia 32:33 ပူးပေါင်းရင်းမြစ်များ

Ayubu 35:11

ûrîa ûtûthomithagia gûkîra nyamû cia kîthaka, na agatûma tûvîge gûkîra iconi cia rîerarî!’

Jeremia 18:17

Ngaamaûmbûra mbere ya nthû ciao ta rûkûngi rwa mwena wa îrathîro, nîngamavuvatîra vandû va kûmatethia, vîndî îrîa makethîrwa marî thînarî.”

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Jeremia 26:5

na mûthikîrîrie ciugo cia arathi ndungata ciakwa arîa mbîthîrîtwe ngîmûtûmîra vîndî wa vîndî, wana ethîrwa mûtiamathikîrîria,

Jeremia 35:13

“Ngai-Mûnene mwene vinya wonthe, Ngai wa Isiraeli arauga atî: Thiî ûkeere andû a Juda na a Jerusalemu atî: Anga mue mûtingîvota kwamûkîra kîrîra gîakwa na kûthikîrîria ciugo ciakwa?

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Jeremia 7:28

Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Hosea 11:2

Wa ûrîa nathiî na mbere kûmeta, nwa guo maathiîcaga varaca nanie. Nîmaathiîre na mbere kûrutîra ngai cia Baali magongoona, na kûvîvîria mîvuanano ûbani.

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Johana 8:2

Kîraûko tene mûthenya ûcio wîngî, Jesû nîwacokire hekarûrî. Nao andû onthe nîmaathiîre kûrî ke, nake agîkara nthî na akîambîrîria kûmathomithia.