Jeremia 32:22 - ÎVUKU RÎA ÛVORO MWARO

²² Nîwamavere vûrûri ûrîa wamerîre. Vûrûri ûrîa werîre methe metû, vûrûri ûrî îriia na ûûkî.

Jeremia 32:22 ပူးပေါင်းရင်းမြစ်များ

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 24:7

Ngai-Mûnene, Ngai wa îgûrû nîwandutire mûciî kwa vava kûrîa naciarîrwe na nîwevîtire na akîmbîra atî nîakaava njiarwa ciakwa vûrûri ûyû. Ngai ûcio nîagaatûma mûraika wake athiî mbere yaku, nîguo wonere mûvîcîwa mûndûmûka kuuma kuo.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

Nehemia 9:15

“Mavûta nîwamavere mîgate kuuma îgûrû, na manyonda nîwamavere manjî kuuma rûciararî. Nîwamerire mathiî makegwatîre vûrûri ûrîa wamerîrîte atî nîûkaamava.

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Ezek 20:15

Marî werûrî nînevîtire kûrî o ngiuga ndikaamavira vûrûrirî ûrîa naamaveete wîcûrîte îriia na ûûkî na mwaro gûkîra mavûrûri monthe,

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Ndari 14:16

we waûragîre andû aku werûrî nîûndû nîwaremirwe nî kûmakinyia vûrûrirî ûrîa wamerîre.

Ndari 14:30

Gûtirî mûndû wanarî ûmwe wenyu ûgaatonya vûrûri ûrîa neranîre atî nî ngaamûva, tiga Kalebu mûvîcî wa Jefune na Joshua mûvîcî wa Nuni.

Gûco 1:35

‘Gûtirî mûndû wanarî ûmwe wa rûciaro rûrû rwaganu ûkoona vûrûri ûcio mwaro, ûcio nerîîre methe menyu na mwîvîtwa atî nîngaamava.

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 6:10

“Ngai-Mûnene, Ngai wenyu nîakaamûva vûrûri ûrî na matûûra manene na maro marîa mûtaatuma, wata ûrîa eerîre methe menyu ma tene: Iburahimu, Isaka na Jakovu.

Gûco 6:18

Îkagani maûndû marîa magîrîre na marîa maro methorî ma Ngai, nîguo maûndû menyu methîrwe marî maro na mûvote kwîgwatîra vûrûri mwaro ûrîa Ngai-Mûnene eerîre methe menyu na mwîvîtwa atî nîakaamava,

Gûco 6:23

Ke aatûtethûrire kuuma vûrûrirî ûcio na agîtûrete gûkû na agîtûva vûrûri ûyû eerîre methe metû.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

Gûco 8:1

“Menyererani mwathîkagîre na kinyi maathani monthe marîa nîramûva ûmûnthî, nîguo mûtûûre, mwongerereke na mwîgwatîre vûrûri ûrîa Ngai-Mûnene erîîre methe menyu.

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.