Jeremia 32:2 - ÎVUKU RÎA ÛVORO MWARO

² Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Jeremia 32:2 ပူးပေါင်းရင်းမြစ်များ

2Atha 25:1

Mûthenyarî wa îkûmi, mweri wa îkûmi mwakarî wa kenda, Zedekia arî mûthamaki, Nebukadinezarû mûthamaki wa Babuloni nîwathiîre na athigari ake onthe na makîtharîkîra îtûûra rîa Jerusalemu na magîtuma rûthingo marîthiûrûrûkîrîtie.

Nehemia 3:25

Palali mûvîcî wa Uzai nîwatumire rîngî gîcunjî Kîam rûthingo kuuma varîa rûthingo rweyunîrîte na varîa nyombarî îrîa ndaca ya mûthamaki yaumîrîrîte na îgûrû. Nyomba îo yarî vakuvî na kûrîa arangîri meekaraga. Gîcunjî kîrîa Kîamrûmîrîrîte nakîo gîatumirwe nî Pedaia mûvîcî wa Paroshi.

Thaburi 88:8

Nîûtûmîte arata akwa mandiganîria; nîûtûmîte nduîka kîndû kîrî magigi kûrî o. Mvingîrîtwe nîguo ndikavote kûûra.

Jeremia 32:3

Zedekia mûthamaki wa Juda nîke wavingîrîte Jeremia, akîmûragia atîrî, “Nîndûî gîtûmîte ûrathe maûndû ûkiugaga Ngai-Mûnene augîte atî, ‘Nîngûvecana îtûûra rîîrî kûrî mûthamaki wa Babuloni na nîakûrîîgwatîra.

Jeremia 32:8

Kwoguo, Hanameli mûvîcî wa mama nîwaûkire na akîmbîthîrîria kîvingorî kîu Kîam arangîri wata ûrîa Ngai-Mûnene augîte, na akîmbîra atîrî, “Gûra mûgûnda wakwa ûcio ûrî Anathothi vûrûrirî wa Benjamini, nîûndû kîvooto gîa kûûgaa nî gîaku; ûgûre ûtuîke waku.” Vîndî îo nîrîo namenyire atî nî Ngai-Mûnene wambaragîria.

Jeremia 33:1

Kiugo Kîam Ngai-Mûnene nîgîakinyîre Jeremia rîngî wa arî mûvingîre nyombarî ya arangîri atî:

Jeremia 34:1

Mûthamaki Nebukadinezarû wa Babuloni nîwaûkire na athigari ake a mbaara kuuma mavûrûri monthe marîa aathanaga na akîtharîkîra îtûûra rîa Jerusalemu vamwe na matûûra marîa mengî ma Juda. Vîndî îo ndûmîrîri kuuma kûrî Ngai-Mûnene nîyakinyîre Jeremia akîrwa atîrî,

Jeremia 36:5

Jeremia nîwacokire akîatha Baruku akîmwîra atîrî, “Nie ndirî mwîtîkîrie gûtonya nyombarî ya Ngai-Mûnene.

Jeremia 37:15

Anene acio nîmaarakarire mûno nîûndû wa Jeremia na nîmaamûrivire na makîmwova, na makîmwiga nyomba kwa Jonathani îrîa yagarûrîtwe îgatuîka njeera.

Jeremia 37:21

Kwoguo mûthamaki Zedekia nîwathanire Jeremia aigwe kûrîa arangîri mekaraga. Nake nîwavecagwa mûgate wa mûthenya kuuma kûrî andû arîa marugaga mîgate nginya mîgate îkîthira yonthe kûu îtûûrarî. Kwoguo Jeremia eekaraga kwa arangîri.

Jeremia 37:4

Vîndî îo Jeremia aarî na wîathi wa gûcera kûrî andû nîûndû ndaarî mwove njera.

Jeremia 38:13

Nao nîmaagucirie Jeremia na mîkanda na makîmûruta kûu kîrikorî Kîam manjî. Nîmacokire makîmûcokia kanyombarî ka arangîri.

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.