Jeremia 31:40 - ÎVUKU RÎA ÛVORO MWARO

⁴⁰ Nakîo Kîamnda kîonthe kûrîa ciimba ithikagwa na gûtecagwa mûu na mûgûnda wonthe kuuma karûnjîrî ga Kidironi nginya mûthiiarî wa kîvingo Kîam mbarathi kîrîa kîrî mwena wa îrathîro nîgûkaamûrîrwa Ngai-Mûnene. Îtûûra rîu rîtigacoka kwanangwa kana kwomomorwa rîngî tene na tene.”

Jeremia 31:40 ပူးပေါင်းရင်းမြစ်များ

2Sam 15:23

Andû onthe a Isiraeli nîmaarîrire maugîrîrîtie rîrîa moonire andû arîa maarûmagîrîra Daudi makîthiî. Mûthamaki vamwe na andû ake nîmaaringire karûnjî ga Kidironi na makîthiî merekerete werûrî.

2Atha 11:16

Kwoguo nîmaamûnyitire na makîmûtonyereria varîa vetagwa Kîvingo Kîam Mbarathi makîmûvira nyombarî ya mûthamaki na makîmûragîra kuo.

2Atha 23:12

Nîwagwîthirie na akiunanga metha cionthe cia magongoona tûcunjî irîa athamaki a Juda maatumîte îgûrû rîa nyomba ya îgûrû ya mûthamaki Ahazi, wa vamwe na metha cia magongoona irîa mûthamaki Manase aatumîte ivaarorî cioîrî cia hekarû. Nîwacokire agîta tûcunjî tûu karûnjîrî ga Kidironi.

2Atha 23:6

Nîwarutire mûvuanano wa ngai ya nga ya Ashera hekarûrî ya Ngai-Mûnene na akîmîvira nja ya îtûûra rîa Jerusalemu nginya karûnjîrî ga Kidironi na akîûvîvîria vo. Nîwaûthîire nginya ûgîtuîka rûkûngû na akîûnyagia mbîrîrarî kûrîa kwathikagwa andû onthe.

2Maû 23:15

Kwoguo nîmaamûnyitire na makîmûvira mûciî kwa mûthamaki na makîmûragîra vau vetagwa Kîvingo Kîam mbarathi.

Nehemia 3:28

Athînjîri-Ngai nao nîmaatumire rîngî gîcunjî kîu kîngî kuuma Kîvingorî Kîam Mbarathi ûthiîte na mwena wa rûgûrû. Wa mûthînjîri-Ngai aatumaga rûthingo gîcunjî kîrîa Kîamrî mbere ya nyomba yake.

Thaburi 48:9

Nîtwîciragia îgûrû rîgiî wendo waku ûtathiraga, tûrî hekarûrî yaku, we Ngai.

Isaia 51:22

Mwathani Ngai-Mûnene Ngai waku, ûrîa ûtetagîra andû ake arauga atîrî: “Taroria nîngûthengutîrîtie gîkombe Kîam gûgûtûgûgithia, ngakûthengutîria mbakûri ya marakara makwa, ndûgaacoka kûmînyuîra rîngî.

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 18:7

Vîndî îrîa nîngîkauga ûndû wîgiî vûrûri kana ûthamaki atî nîngaûkûûra, nîunange na nîûcûkangie viû,

Jeremia 32:36

Kwoguo rîu, Ngai-Mûnene Ngai wa Isiraeli arauga ûvoro wîgiî îtûûra rîîrî atîrî, “Jeremia, andû aya marauga atî na njîra ya mbaara, yûra na mîrimû vûrûri ûyû nîûkaarekerua kûrî mûthamaki wa Babuloni. Nwatî nie nîrauga atî,

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Ezek 37:2

Ngai-Mûnene nîwanthiûrûrûkirie Kîamndarî kîu kîonthe na Kîamrî na mavîndî meengî mûno na maarî maûmû mûno.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Ezek 39:29

Nîngetîrîria andû a Isiraeli roho wakwa, na ndikaamatiganîria rîngî. Nînie Mwathani Ngai-Mûnene mbugîte ûguo.”

Ezek 48:35

Ûraca wa rûthingo rwa îtûûra rîu mîena yonthe îna rûkethîrwa rûrî rwa mita ngiri kenda (9,000). Îtûûra rîu kuuma vîndî îo rîgetagwa, “Ngai-Mûnene arî ava.”

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Zakaria 14:11

Andû nîmagaatûûra Jerusalemu nîûndû gûtigaacoka kûgîa mûthiro rîngî, gûkethîrwa kûrî na thayû.

Zakaria 14:20

Vîndî îo mbugi irîa ciîthagîrwa ciîkîrîtwe mbarathi nîikaandîkwa “CIAMÛRÎRÎTWE NGAI-MÛNENE,” nacio nyûngû irîa irî hekarûrî ya Ngai ikethîrwa irî nyamûre wata mbakûri irîa irî metharî ya kîgongoona.

Johana 18:1

Rîrîa Jesû aarîkirie kûvoya, nîwaumire kûu maarî na arutwa ake na makîthiî mûringo ûcio wîngî wa karûnjî ga Kidironi. Navo vau vaarî na mûgûnda na Jesû na arutwa ake nîmaatonyire kuo.