Jeremia 31:32 - ÎVUKU RÎA ÛVORO MWARO

³² Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 31:32 ပူးပေါင်းရင်းမြစ်များ

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

Thaburi 73:23

Kûnarî ûguo, mbîkaraga vakuvî nawe vîndî cionthe, na nîûnyitaga njara yakwa ya ûrîo.

Thaburi 78:37

Matiarî evokeku kûrî Ngai na ngoro ciao, matiavingia kîrîkanîro kîrîa aarîkanîre nao.

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Rwîmbo rwa Nyîmbo 8:5

Nû ûrîa ûkîte aumîte werûrî, manyitanîte njara na mwendwa wake? Naakûramûkirie rungu rwa mûtî wa matunda, varîa nyûkwe eguîrîre ûrûrû agîgûciara.

Isaia 24:5

Andû arîa matûûraga gûkû nîmagwatîtie nthî mûgiro, nîûndû nîmaunîte mawatho ma Ngai, makarega kûrûmîrîra kîrîra gîake, na makauna kîrîkanîro gîa tene na tene.

Isaia 41:13

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Jeremia 11:3

Nîûkaamera Ngai-Mûnene, Ngai wa Isiraeli augîte atî kûgwatwa nî kîrumi nî mûndû ûrîa ûtavingagia maûndû marîa marî kîrîkanîrorî gîkî,

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 22:9

Nao nîmagacokia atî, ‘Ekire ûguo nîûndû nîmaatiganîrie kîrîkanîro Kîam Ngai-Mûnene Ngai wao na mûkîambîrîria kûgooca Ngai ciîngî na gûitungatîra.’ ”

Jeremia 3:14

Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 31:1

Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Jeremia 34:13

“Rîrîa narutire methe menyu vûrûrirî wa Misiri kûrîa maarî ngombo, nînarûthire kîrîkanîro nao ngîmera:

Jeremia 34:14

‘Wa mîaka mûgwanja yathira, nwa nginya mûrekagîrîrie Mûhibirania ûcio wendetue arî ngombo na ûgûtungatîte mîaka îtandatû. Mwagîrîrwe nî kûmarekereria matikarute wîra kwenyu rîngî.’ Nwatî methe menyu matianthikîrîria kana mambîgua.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Ezek 20:37

“Nîngaamwatha na vinya na ndûme mwathîkîre kîrîkanîro gîakwa.

Ezek 23:4

Ûrîa mûkûrû eetagwa Ohola, nake ûrîa mûnini eetagwa Oholiba. Nao nîmaatuîkire aka akwa, magîciara anake na erîtu. Marîîtwa mau mao, Ohola nî Samaria, nake Oholiba nî Jerusalemu.

Hosea 11:1

Rîrîa Isiraeli aarî mwana nînamwendire, namûruta Misiri nînamwîtire mwana wakwa.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Hosea 3:1

Ngai-Mûnene nîwambîrire atîrî, “Thiî rîngî, mûkendane na mûndûmûka ûrîa ûrî na ûrata na mûndûmûrûme wîngî na matharagia nake. Mwende wata ûrîa nie mendete andû a Isiraeli, wana ethîrwa nîmagarûrûkîte makambîrîria gûtungatîra ngai ciîngî na kûirutîra tûmîgate twa thavibu irîa nyûmithie.”

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Maariko 8:23

Nake Jesû nîwanyitire mûndû ûcio njara na akîmûruta gîcagirî kîu. Na aarîkia kûmûtuîra mata metho, nîwamwigîrîre njara na akîmûria atîrî, “Kûrî na kîndû ûrona?”

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Ciîko 23:19

Nake mûnene ûcio wa mbûtû ya athigari nîwanyitire mwanake ûcio njara, akîmûtongoreria makîthiî vandû vataarî na andû na akîmûria atîrî, “Ûrenda kûmbîra atîa?”

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Gûco 1:31

na mwarî werûrî. Nîmwonire ûrîa Ngai-Mûnene, Ngai wenyu aamûtongoririe nginya mûgîkinya gûkû. Aamûmenyagîrîra ta ûrîa kamwana kathiîcaga kamenyereretwe nî îthe.’

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Gûco 29:21

Ngai-Mûnene nîagaatûma mûndû ûcio anyitwe nî maûndû macûku maringanîte na irumi irîa mandîke îvukuurî rîîrî rîa watho.

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 31:20

Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Gûco 5:2

Ngai-Mûnene Ngai wetû nîwarûthire kîrîkanîro natue kîrîmarî gîa Sinai.

Gûco 5:3

Kîrîkanîro kîu gîtiarî Kîam methe metû, nwatî aarûthire natue tuonthe arîa tûrî mwoyo ûmûnthî.

Ahib 8:9

Gîtikeethîrwa gîkariî ta kîrîkanîro kîrîa nathondekire na methe mao ma tene, mûthenya ûrîa namocire na njara, ngîmaruta vûrûri wa Misiri. Nîmaaregire gûtuîka evokeku kûrî kîrîkanîro kîrîa nathondekire nao, kwoguo nînamatiganîrie.”