Jeremia 31:30 - ÎVUKU RÎA ÛVORO MWARO

³⁰ Nwatî wa mûndû agaakua nîûndû wa mevia make ke mwene, mûndû ûrîa ûrîcaga thavibu ndûrû nîke magego make magîcaga ngirira.”

Jeremia 31:30 ပူးပေါင်းရင်းမြစ်များ

2Atha 14:6

Nwatî ndaaûraga ciana ciao. Eekire wata ûrîa Ngai-Mûnene aathanîte wathorî wa Musa atîrî, “Aciari matikaaûragwa nîûndû wa mevia ma ciana ciao, nacio ciana itikaaûragwa nîûndû wa mevia ma aciari a cio. Wa mûndû akaaûragwa nîûndû wa mevia marîa ke mwene ekîte.”

Ayubu 21:20

O ene moone makînyarirîka, tiga megue marakara ma Ngai mwene vinya wonthe.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Ezek 3:24

Nwatî nînecûrirwe nî Roho wa Ngai na ûkînûngamia. Ngai-Mûnene nîwambîrire atîrî, “Thiî ûkevingîre gwaku nyomba.

Ezek 33:13

Nwa mbîre mûndû ûrîa mûthingu atî nama nîagaatûûra mwoyo. Nwatî angîîvoka ûthingu ûcio wake na acoke gwîka maûndû macûku, maûndû make ma mbere ma ûthingu matikaaririkanwa. Agaakua nîûndû wa mevia make.

Ezek 33:18

Mûndû mûthingu angîtiganîria ûthingu wake na acoke gwîka maûndû macûku, nîagaakua nîûndû wa mavîtia mau.

Ezek 33:8

Nîngîkera mûndû mwaganu atî nî agaakua, ûkaamwîra guo. Ûngîkaarega kûmûkaania nîguo atige mîthiîre yake ya waganu, mûndû ûcio nîagaakua nîûndû wa mevia make nawe nîngaakûrîvia gîkuû gîake.

Agal 6:5

Nîûndû nwa nginya mûndû akuue mûrigo wake ke mwene.

Gûco 24:16

“Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.

Jakuvu 1:15

Merirîria mau macûku nîmagîcaga îvu na magaciara mevia, namo mevia mau makûra maciaraga gîkuû.