Jeremia 31:3 - ÎVUKU RÎA ÛVORO MWARO

³ nie Ngai-Mûnene nînamaumîrîre nîrî kûraca. Nîmwendete na wendo ûtathiraga, kwoguo nîrî mwîvokeku kûrî mue vîndî cionthe.

Jeremia 31:3 ပူးပေါင်းရင်းမြစ်များ

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 25:6

We Ngai-Mûnene taririkana ntha ciaku na wendo waku ûtathiraga, ûrîa wonanirie kuuma tene.

Rwîmbo rwa Nyîmbo 1:4

Mboca tûthiî nawe na îvenya, tuîka mûthamaki wakwa na ûmvire gwaku mûciî. Tûgakenaga tûrî vamwe, tûgakumagia wendo waku gûkîra ndivei. Aka onthe nîmakwendete.

Isaia 43:4

Nîûndû mûrî andû a vata mbere yakwa, na nîmûtîîte na ngamwenda, nie nîngûnenganîra andû nîûndû wenyu, nîngûnenganîra mavûrûri nîguo nîmûvonokie.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 49:14

Nwatî Zayuni aaugire atîrî, “Ngai-Mûnene nîandiganîrîtie, Mwathani wakwa nîariganîrîtwe nînie.”

Hosea 11:1

Rîrîa Isiraeli aarî mwana nînamwendire, namûruta Misiri nînamwîtire mwana wakwa.

Hosea 11:4

Namatongoririe na ntha na wendo wata ûrîa mûciari ocaga wa mwana akamwiga ciande, nwata guo wananie namekire. Nie nakuamîrîrie na ngîmava gîa kûrîa.

Malaki 1:2

Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:13

Wata ûrîa kwandîkîtwe Mandîkorî Matheru atîrî, “Nînendire Jakovu na ngîthûra Esaû.”

Gûco 10:15

Nwatî wendo wa Ngai-Mûnene Ngai wenyu kûrî methe menyu warî mûnene mûno. Kwoguo nîwamûthuurire, mue njiarwa ciao îthenya rîa andû a ndûrîrî irîa ciîngî na mûrî ake nginya ûmûnthî.

Gûco 33:26

Musa nîwarîkîrîrie na kuga atîrî, “Mue andû a Isiraeli, gûtirî ngai îkariî ta Ngai wenyu, atuîkanagîria îgûrû na vinya wake, atuîkanagîria matuurî aûkîte kûmûtethia.

Gûco 33:3

Ngai-Mûnene nîwendete andû ake, na nîagitagîra andû ake. Kwoguo nîmenamagîrîra magûrûrî make, na makamûkîra mawatho make.

Gûco 4:37

Ngai-Mûnene nîwendete methe menyu; kwoguo nîwamûthuurire kuuma kûrî njiarwa ciao na akîmûruta Misiri na vinya wake mûnene.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Joh 4:19

Tue twendanaga nîûndû Ngai nîwatwendire mbere.