Jeremia 31:22 - ÎVUKU RÎA ÛVORO MWARO

²² Nîwîkara ûkîagagaga nginya rî we mwarî ûyû ûtarî mwîvokeku? Nîûndû nie Ngai-Mûnene nîndûthîte kîndû gîcerû gûkû nthî, mûndûmûka agitagîra mûndûmûrûme.”

Jeremia 31:22 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 2:18

Nîûgîa na umithio ûrîkû wathiî Misiri kûnyua manjî ma rûnjî rwa Nilo? Kana nî ûgîa na umithio ûrîkû wathiî Asîria, kûnyua manjî ma Rûnjî ma Efarati?

Jeremia 2:23

Nwa uuge atî, “Nie ndirî na mûgiro, na nie ndianagooca Baali? Taroria mîthiîre yaku kûu Kîandarî, ta menya ûrîa wekire kuo; we wîkariî ta mori ya ngamîîra, îvinyûraga ava na vaarîa îrî na mûruke.

Jeremia 2:36

Wocaga ûvoro wa kûgarûrûka na ûvûthû nîkî ûkagarûrîra mîthiîre yaku? We nîûgûconorithua nî andû a Misiri, wata ûrîa waconorithirue nî andû a Sîria.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:14

Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 3:4

Kinthî ndwarîkia kûmbîta wauga atî: “We nîwe vava wamendire kuuma nîrî mwana.

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Jeremia 49:4

Mûretîîa na cianda cienyu nîkî mue andû arîa mûtetîkîtie? Mwevokete ûtonga wenyu mûkiugaga, ‘Nîûrîkû ûngîcûyia kûrûa natue?’

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Hosea 4:16

Andû a Isiraeli maûmîtie ngingo ta mvunda; Ngai-Mûnene nwa amarîthie, ta ng'ondu îreketue gîtimarî kînene?

Hosea 8:5

Andû a Samaria, nie nînthûrîte mûvuano wa gacaû. Marakara makwa nîmanene îgûrû rîenyu. Nî nginya rî mûgûtûûra mûtarî atheru?

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Ndari 16:30

Nwatî ethîrwa Ngai-Mûnene nwa eke ûndû mûgeni ûtaaneguwa, na nthî îvingûke îmamerie vamwe na indo cionthe ciao na mathiî marî mwoyo kûrîa arîa akuû mathiîcaga, vîndî îo nîrîo mûkaamenya atî andû aya nî mareganîte na Ngai-Mûnene.”

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,