Jeremia 31:17 - ÎVUKU RÎA ÛVORO MWARO

¹⁷ Kûrî na kîîrîgîrîro mûtûûrîrerî waku wa vuvarî, ciana ciaku nîigaacoka vûrûrirî wao. Ûguo nîguo nie Ngai-Mûnene nîrauga.

Jeremia 31:17 ပူးပေါင်းရင်းမြစ်များ

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Maca 3:18

Kwoguo mbugaga atîrî, mwago wakwa nîwathirire, wana kîîrîgîrîro gîakwa kûrî Ngai-Mûnene nîkîathirire.

Maca 3:21

Nwatî nîngîcaga na kîîrîgîrîro, naririkana ûndû ûyû ûmwe:

Maca 3:26

Nî waro mûndû gwîkara akirîrîrîtie, etererete ûvonokio wa Ngai-Mûnene.

Maca 3:29

Agîrîrwe nî kwînyivia viû, nîûndû avota kûgîa na kîîrîgîrîro.

Ezek 37:21

Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Ezek 39:28

Nao nîmakaamenya atî nînie Ngai-Mûnene Ngai wao, nîûndû nînatûmire mavirwe îthamîriorî. Rîu nîmacoketie vûrûrirî wao na gûtirî mûndû wanarî ûmwe wao ûtigîtwe na vuva.

Hosea 2:15

Kûu nîkuo ngamûcokeria mîgûnda yake ya mîthavibu, nîngatua Kîamnda Kîam Akori mûromo wa kîîrîgîrîro. Akanûmagîrîra atakûringîrîrua ta ûrîa ekaga arî mwîthî, ta rîrîa aarî vûrûri wa Misiri.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.