Jeremia 31:16 - ÎVUKU RÎA ÛVORO MWARO

¹⁶ Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Jeremia 31:16 ပူးပေါင်းရင်းမြစ်များ

Kîam 43:31

Nîwethambire metho na akiuma nja akîyûmagîrîria na akiuga mavewe irio.

Kîam 45:1

Josefu nîwegwire atî ndangîvota kwîyûmîrîria rîngî arî mbere ya ndungata ciake. Nîwathanire onthe maume nja. Gûtirî mûndû wîngî wanarî ûmwe warî vo Josefu akîîmenyithania kûrî aa mûrwang'ina.

2Maû 15:7

Nwatî mue, îîyûmîrîrieni na mûtigakue ngoro, nîûndû nîmûkaanyita kîveo nîûndû wa wîra wenyu.”

Thaburi 126:5

Arîa mavandaga na methori, magaaketha makenete!

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 40:10

Taroria Mwathani Ngai-Mûnene nîaûkîte na vinya, vinya wake nîguo ûrathana, nîaûka na andû arîa avonoketie na iveo cia andû ake.

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Jeremia 33:7

Nîngatûma andû a Juda na Isiraeli mekindîrie wata ûrîa mekariî mbere.

Ezek 37:21

Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

Hosea 1:11

Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.

1Ath 4:14

Nîtwîtîkîtie atî Jesû nîwakwire na akîriûka. Kwoguo nîtwîtîkîtie atî Ngai nî akaarete vamwe na Jesû andû arîa makuîte mamwîtîkîtie.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”