Jeremia 31:11 - ÎVUKU RÎA ÛVORO MWARO

¹¹ Nîûndû nie Ngai-Mûnene nîngûûrîte andû a Isiraeli, na nîmavonoketie kuuma kûrî andû marî na vinya kûmakîra.

Jeremia 31:11 ပူးပေါင်းရင်းမြစ်များ

Thaburi 142:6

Thikîrîria ngîgûkaîra, nîûndû nîrîmûthiru vinya viû. Mvonokia kuuma kûrî arîa manyariraga, nîûndû marî na vinya kûngîra.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 49:24

Nwa ûcuune mûndû njamba indo irîa atavîte? Kana ûvonokie mûndû mwaganu ovetwe na kîvooto?

Isaia 49:25

Nwatî Ngai-Mûnene arauga atîrî, “Wana indo irîa itavîtwe nî andû njamba nîigoocwa, na andû arîa movetwe nî njamba irîa irî vinya nîmakaavonokua, nîûndû nie nînie ngaarûa na andû arîa marûaga nawe, na nîngaavonokia ciana ciaku.

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Jeremia 15:21

Nîngagûtethûra njararî cia andû arîa aganu, na ngûvonokie kuuma kûrî arîa makûnyitîte na matarî na vinya.”

Jeremia 50:33

Ngai-Mûnene mwene vinya wonthe arauga atîrî, “Andû a Isiraeli wana andû a Juda nîmaranyarirwa. Arîa maamatavire mamanyinyîtie na nîmaregete kûmarekereria mathiî.

Jeremia 50:34

Ûrîa mûkûri wao arî vinya. Rîîtwa rîake nî Ngai-Mûnene mwene vinya wonthe. Nama nîngamacirîrîra nîguo ndûme nthî îgîe na thayû, nwatî vûrûri wa Babuloni nîmakaagîa na thîna.”

Maca 3:58

“We, Mwathani, nîwandethûrire, na ûkîmvonokia.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Zakaria 9:16

Mûthenya ûcio Ngai-Mûnene, Ngai wao nîakaamavonokia, nîûndû nî ndîthia ya andû ake. Andû ake magaakengaga marî vûrûrirî wake, ta ûrîa îthiga rîa goro rîkengaga rîrî ngoviarî ya mûthamaki.

Mathaayo 12:29

“Gûtirî mûndû ûngîvunja nyomba ya mûndû njamba na atonye kuo na amûcune indo ciake atambîte kûthaîkania. Nwa aambire kûmûthaîkania nîguo avote kûmûcuuna indo.

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 22:29

Nake Jesû nîwamacokerie atîrî, “Na kaî mûrî avîtiu-î! Na gîtûmi nî atî mûtiîcî mandîko matheru kana vinya wa Ngai.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.