Jeremia 31:10 - ÎVUKU RÎA ÛVORO MWARO

¹⁰ Mue mavûrûri, tathikîrîriani kiugo Kîam Ngai-Mûnene, na mûkîanîrîre mavûrûrirî marîa marî kûraca, mûmeere atî: ‘Ûrîa wanyaganirie andû a Isiraeli, nîakaamacokanîrîria, akamamenyerera ta ûrîa mûrîthi amenyagîrîra ng'ondu ciake.’

Jeremia 31:10 ပူးပေါင်းရင်းမြစ်များ

Kîam 10:5

Anake acio a Javani nîo methe ma andû arîa maatûûraga ndeererî cia îria na icîgîrîrarî. Icio nîcio njiarwa cia Jafethi irîa itûûraga wa andû vûrûrirî wao kûringana na mûvîrîga wao wana mwarîrie wao.

Thaburi 147:2

Ngai-Mûnene nîke ûtumaga rîngî Jerusalemu; nîaracokia mûciî Aisiraeli arîa marî îthamîriorî.

Thaburi 23:1

Ngai-Mûnene nîke mûrîthi wakwa, gûtirî kîndû nîngîtura.

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Nthi 27:23

Rîthagia ndîthia ciaku waro, na ûmenyagîrîre ng'ondu na mbûri ciaku waro;

Isaia 24:14

Andû arîa magaatigara nîmakaugîrîria, nîmakaaina makenete. Arîa marî mwena wa îthûîro nîmakaanîrîra ûnene wa Ngai-Mûnene.

Isaia 27:12

Mûthenya ûcio Ngai-Mûnene nîakaaûngania maketha make kuuma rûnjîrî rwa Farati nginya karûnjîrî ka Misiri, namue andû a Isiraeli nîmûkaaûnganua ûmwe kwa ûmwe.

Isaia 40:1

Ngai wenyu arauga atîrî, “Ûmîrîriani andû akwa, thiîni mûkamaûmîrîrie!

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 41:1

Ngai arauga atîrî, “Takirani mûnthikîrîrie mue mûtûûraga rûtere rwa îria! Mue andû a ndûrîrî gîani na vinya mûcerû; îyumîrieni na mwarie maûndû menyu, tigani tûgomane nîguo tûtue ciira tûrî vamwe.

Isaia 42:10

Inîrani Ngai-Mûnene rwîmbo rûcerû, nthî yonthe nîîmwinîre nyîmbo cia kûmûkumia! Îria na nyamû cionthe irîa itûûraga kuo, icîgîrîra na ndeererî cia îria na andû arîa matûûraga kuo!

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 54:7

“Nagûtiganîrie kavinda kanini tu, nwatî nîngaagûcokanîrîria ngîkwîgucagîra ntha nyîngî mûno.

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Jeremia 23:4

Nîngaiva arîthi a kûimenyerera, nacio itigetira rîngî kana imaka, na gûtirî wanarî îmwe îkaaûra. Ûguo nîguo Ngai-Mûnene arauga.

Jeremia 25:22

athamaki onthe a Turo na Sidoni; athamaki a mavûrûri marîa marî rûtere rwa îria rîa Mediterania;

Jeremia 3:15

“Nîngamûva arîthi arîa makambathîkagîra, arîa makamûrîthagia marî na ûûgî na ûmenyo.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Jeremia 50:19

Nîngatûma andû a Isiraeli vûrûrirî wao. Makarîcaga irio irîa ikûraga kîrîmarî gîa Karimeli na Bashani. Nao nîmakaarîa nginya meganie kîrîa kîonthe gîkûragua mwena wa Efiraimu na Gileadi.

Ezek 11:16

“Kwoguo îra andû arîa marî îthamîriorî atî nie Ngai-Mûnene, nînie naamavirire kûndû kûraca na ngîmanyaganîria mavûrûrirî mengî. Kûnarî ûguo, kavindarî gaka nîmbîthîrwa nîrî nao mavûrûrirî monthe kûrîa maathiîre.

Ezek 20:34

Nîngaamûruta kuuma kûrî ndûrîrî nîmûcokanîrîrie vamwe kuuma mavûrûrirî marîa mûnyaganîrîtie na nîngaamwonia vinya wakwa na ûvoti wakwa.

Ezek 34:12

Wata ûrîa mûrîthi acaragia ng'ondu irîa inyaganîtie, nîguo nie ngaacaria ng'ondu ciakwa na nîivonokie kuuma kûrîa kuonthe inyaganîrîtie mûthenya ûrîa gûkethîrwa kûrî na matu na nduma nene.

Ezek 37:24

Ndungata yakwa Daudi nîgaatuîka mûthamaki wao, na methagîrwe marî a mûrîthi ûmwe. Nîmakaarûmagîrîra matuîro makwa ma ciira na mavingagie mawatho makwa.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 5:2

Rîrîa mîthenya ya kûrigicîria îtûûra rîa Jerusalemu îkaathira, nîûgoca gîcunjî kîmwe Kîam ithatû ûthiî ûgakîvîvîrie gatagatî ga îtûûra. Na gîcunjî kîmwe Kîam ithatû ûgîtinangîrie mîenarî yonthe ya îtûûra. Nakîo gîcunjî kîu kîngî Kîam kathatû ûkîgûrûkithie na rûkûngi nîûndû nîngaamarûmîrîria njomorete rûviû.

Danieli 11:18

Vuva wa ûguo, nî akaatharîkîra mavûrûri marîa marî rûtere rwa îria na avoote meengî ma mo. Nwatî mûtongoria mûgeni nî akaamûvoota na amûverithie nîûndû wa ûng'endu wake; nama nîakaaverithia mûthamaki wa Sîria nîûndû wa ûng'endu wake.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Mika 2:12

“Nwatî nama mue andû a Jakovu nîngaamûgomania vamwe, nîngaûngania andû a Isiraeli arîa matigarîte, nîmagomanie vamwe ta ng'ondu irî Kîamgarî, ta ndîthia nene ya ng'ondu irî kîthakarî, nîmûgaatuîka gîkundi Kîam andû eengî,”

Mika 4:6

Ngai-Mûnene augîte atîrî, “Îvinda nîrîgaakinya rîrîa ngaagomania ithua vamwe, na njokanîrîrie andû arîa naaverithirie na ngîtûma mavirwa îthamîriorî.

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.

Zakaria 10:8

Nîngaameta na nîmagaacokanîrîra vamwe, nîûndû nînîmakûrîte, na nîmakoongerereka na mengîve ta ûrîa meekariî mbererî.

Zakaria 2:6

Ngai-Mûnene arera andû ake atîrî, “Ûkani! Umani kûu vûrûrirî wa mwena wa rûgûrû, kûrîa namûnyaganîtie mîena yonthe.

Zakaria 9:16

Mûthenya ûcio Ngai-Mûnene, Ngai wao nîakaamavonokia, nîûndû nî ndîthia ya andû ake. Andû ake magaakengaga marî vûrûrirî wake, ta ûrîa îthiga rîa goro rîkengaga rîrî ngoviarî ya mûthamaki.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Johana 10:27

Ng'ondu ciakwa nîithikagîrîria mûgambo wakwa; nie nînîciîcî na nîinûmagîrîra.

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Gûco 30:4

Wana ethîrwa mûnyaganîtie nginya mîthiia ya nthî, Ngai-Mûnene Ngai wenyu nîakaamûruta kuo na amûcokanîrîrie vamwe.

Gûco 32:26

Nînîngîamathiririe onthe viû, mariganîre gûkû nthî.