Jeremia 31:1 - ÎVUKU RÎA ÛVORO MWARO

¹ Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Jeremia 31:1 ပူးပေါင်းရင်းမြစ်များ

2Sam 7:24

We nîûtuîte Aisiraeli andû aku we mwene tene na tene, nawe Ngai-Mûnene ûgatuîka Ngai wao.

Thaburi 144:15

Gûkena nî vûrûri ûrîa ûrathimîtwe na maûndû mau, gûkena nî andû arîa Ngai wao arî ke Ngai-Mûnene!

Thaburi 48:14

“Ûyû nîke Ngai wetû tene na tene; nîatûûra atûtongoragia tene na tene.”

Isaia 20:6

Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Jeremia 3:18

Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:22

“Nîmagaatuîka andû akwa, na nie nduîke Ngai wao.”

Jeremia 30:24

Ngai-Mûnene ndagaacokithia marakara make, nginya rîrîa akavingia ûrîa avangîte gwîka. Vuvarî nîmûgaataûkîrwa nî maûndû mau.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 32:38

Nao nîmagaatuîka andû akwa, nanie nduîke Ngai wao.

Jeremia 33:14

Ngai-Mûnene arauga atîrî, “Kavinda nîgagûkinya, rîrîa ngavingia kîîranîro gîakwa na andû a Isiraeli na a Juda.

Jeremia 33:7

Nîngatûma andû a Juda na Isiraeli mekindîrie wata ûrîa mekariî mbere.

Jeremia 50:4

Ngai-Mûnene arauga atîrî, “Îvinda rîu rîakinya, andû a Isiraeli na Juda nîmakaagomana vamwe makîrîraga, makînjaragia nie Ngai-Mûnene, Ngai wao.

Ezek 11:20

Nîmûgaacoka kûrûmîrîra mawatho makwa na mwathîkagîre irîra ciakwa. Nanie nîngaatuîka Ngai wao, nao nîmagaatuîka andû akwa.

Ezek 34:24

Nanie Ngai-Mûnene nîngaatuîka Ngai wacio, na ndungata yakwa Daudi nîagaatuîka mûnene wacio. Nie Ngai-Mûnene nînie mbugîte ûguo.

Ezek 34:31

“Mue nîmue ng'ondu ciakwa, ng'ondu cia ndîthia yakwa, nanie nînie Ngai wenyu. Ûguo nîguo nie Ngai-Mûnene Ngai mbugîte.”

Ezek 36:28

Nîmûgaacoka mûtûûre vûrûrirî ûrîa naveere methe menyu. Nîmûgaatuîka andû akwa nanie nîngaatuîka Ngai wenyu.

Ezek 39:22

Nyomba ya Isiraeli nîkaamenya kuuma mûthenya ûcio atî nînie Ngai-Mûnene Ngai wao.

Ezek 39:25

Kwoguo Mwathani Ngai-Mûnene augîte atîrî, “Rîu nîngwîguîra andû a Jakovu ntha, na nîo andû a Isiraeli na ndûme mathatûkwe rîngî. Nîngaatûma rîîtwa rîakwa rîtheru rîvecagwe gîtîîo.

Hosea 1:11

Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.

Alawi 26:12

Ngethagîrwa nîrî namue na ngethîrwa nîrî Ngai wenyu, namue mwîthagîrwe mûrî andû akwa.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.