Jeremia 30:6 - ÎVUKU RÎA ÛVORO MWARO

⁶ Rîu ta îyûrieni na mwîcirie: mûndûmûrûme nwa aciare mwana? Nîndûî kîratûma mone wa mûndûmûrûme, aigîrîrîte njara îvu ta mûndûmûka arî na ûrûrû wa gûciara? Nîndûî gîtûmîte mothiû ma andû onthe mathite?

Jeremia 30:6 ပူးပေါင်းရင်းမြစ်များ

Thaburi 48:6

Nîmaambîrîrie gûtetema na makînyitwa nî ruuo, ruuo ta rwa mûndûmûka arî vakuvî gûciara.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Isaia 29:22

Kwoguo Ngai-Mûnene ûrîa wakûûrire Iburahimu arauga ûvoro wîgiî nyomba ya Jakovu atîrî, “Jakovu ndagaaconorithua rîngî, na ûthiû wake ndûgaatuka rîngî.

Jeremia 13:21

Ûkaauga atîa îgûrû rîgiî andû arîa weciragia nî arata aku, arîa we mwene wathomithirie rîrîa magaakûvoota na makwathe? Kinthî ndûgecûrwa nî ûrûrû ta wa mûndûmûka akîgîa na mwana?

Jeremia 22:23

Mue muonthe mûtûûraga Lebanoni, mue arîa mwîkaraga nyombarî itumîtwe na mîtarakwe, nîmûkaarîra rîrîa mûkaagwatwa nî ruuo, ta rwa mûndûmûka agîciara!

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 49:22

Taroria, nthû îkaagûrûka na îgûrû na îvenya ta nderi na îtharîkîre Bozira. Mûthenya ûcio, andû a Edomu nîmakaagîa na guoya ta wa mûndûmûka arî na ûrûrû wa gûciara.”

Jeremia 49:24

Andû a Damesiki nîaûre nî vinya, maagarûrûkire maûre makînyitwa nî guoya; nîmagîte na ruuo na kîeva kînene, ta mûndûmûka arî na ûrûrû wa gûciara.

Jeremia 50:43

Mûthamaki wa Babuloni nîeguîte ûvoro wao, njara ciake ikathira vinya; nîagîte na kîeva, na ûrûrû ta wa mûndûmûka agîciara.

Jeremia 6:24

Andû a Jerusalemu marauga atîrî, “Nîtwîguîte ûvoro wao, njara cietû ikathira vinya; nîtûgîte na ûrûrû ta rwa mûndûmûka agîciara.

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Hosea 13:13

Ûrûrû ta wa mûndûmûka akîgîa na mwana nîûmûkinyîrîte. Nwatî ke nî mwana mûritu; kavinda gake ga gûciarwa ke nîwaregire kuuma ndarî ya ng'ina!

Joeli 2:6

Wa ûrîa magûkuvîvîria andû maragwatwa nî guoya, mothiû mao magatuka nî guoya.

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.