Jeremia 30:3 - ÎVUKU RÎA ÛVORO MWARO

³ Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 30:3 ပူးပေါင်းရင်းမြစ်များ

Ezira 3:1

Mwerirî wa mûgwanja andû a Isiraeli onthe maarî matûûrarî mao. Kwoguo onthe nîmaacokire makîgomana vamwe kûu Jerusalemu.

Ezira 3:12

Andû eengî nîmaaugagîrîria marî na gîkeno. Nwatî athînjîri-Ngai eengî, Alawi, na anene a nyomba cia andû a Isiraeli arîa maarî akûrû na moonete hekarû îrîa ya mbere, nîmaarîrire mona mûcingi wa hekarû îo ya kaîrî.

Ezira 3:8

Mweri wa kaîrî wa mwaka wa kaîrî kuuma macoka Jerusalemu varîa hekarû ya Ngai yatumîtwe, nîmaambîrîrie wîra wa gûtuma hekarû. Zerubabeli mûvîcî wa Shealitieli, Jeshua mûvîcî wa Jehozadaki nîo maambîrîrie wîra marî vamwe na andû ao, athînjîri-Ngai, na Alawi, na andû onthe arîa maacokire Jerusalemu kuuma îthamîriorî, nîmaanyitanîre vamwe kûruta wîra. Nao Alawi onthe arîa makinyîtie ûkûrû wa mîaka mîrongo îrî na makîria nîmaatuirwe arûngamîrîri a wîra wa gûtuma hekarû rîngî.

Thaburi 126:4

We Ngai-Mûnene, tûcokerie riiri ûrîa twarî naguo tene, ta manjî macokete nyûnjîrî nyûmagaru.

Thaburi 53:6

Naarî kethîrwa ûvonokio wa andû a Isiraeli ûkaauma Zayuni, rîrîa Ngai agaatûma andû a Isiraeli magacîre. Njiarwa cia Jakovu nîigaakena, andû a Isiraeli nîmagaakûngûîra.

Jeremia 16:15

Nwatî, makevîta nanie ta Ngai-Mûnene mûtûûra mwoyo, ûrîa warutire andû a Isiraeli vûrûrirî ûrîa ûrî mwena wa rûgûrû, na kuuma mavûrûri marîa mengî kûrîa natûmire manyaganîrie. Nîngûmacokia vûrûrirî wao ûrîa naveere methe mao.”

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 27:11

Nwatî andû a vûrûri wa wonthe ûrîa ûkathîkîra na ûtungatîre mûthamaki wa Babuloni, nîngareka mekare vûrûrirî wao na maûrîmage na matûûre kuo. Ûguo nîguo nie Ngai-Mûnene nauga.”

Jeremia 27:22

Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 3:18

Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 30:4

Ino nîcio ciugo irîa Ngai-Mûnene aririe ciîgiî Isiraeli na Juda:

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Jeremia 31:23

Ngai-Mûnene mwene vinya wonthe Ngai wa Isiraeli arauga atîrî, “Rîrîa ngaacokia andû a Isiraeli vûrûrirî wao, marî vûrûrirî wa Juda na matûûrarî maguo, nîmakaauga atî: ‘Ngai-Mûnene akûrathime we kîrîma kîthingu Kîam Jerusalemu, akûrathime we kîrîma kîtheru!’

Jeremia 31:27

Ngai-Mûnene arauga atîrî, “Îvinda nîrîgakinya rîrîa ngecûria vûrûri wa Isiraeli na wa Juda andû na nyamû.

Jeremia 31:31

Ngai-Mûnene arauga atîrî, “Îvinda nîrîgûkinya rîrîa ngarûtha kîrîkanîro gîcerû na andû a Isiraeli na andû a Juda.

Jeremia 31:38

Ngai-Mûnene arauga atîrî, “Îvinda nîrûgûkinya rîrîa îtûûra rîonthe rîakwa rîa Jerusalemu rîgatumwa rîngî, kuuma nyombarî îrîa ndaca na îgûrû ya Hananeli nginya mwena wa îrathîro wa mwîrîga wa kona.

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Jeremia 32:44

Andû nîmakaagûra mîgûnda îo na mbeca na mekîre irore maarûarî cia mîgûnda, na ivingwe na kûgîe na aira vûrûrirî wa Benjamini, vakuvî na Jerusalemu, vakuvî na îtûûra rîa Juda, matûûrarî marîa marî vûrûrirî ûrîa ûrî irîma, na matûûrarî ma Shefela na matûûra marîa marî werûrî wa Negebu. Nîûndû nîngamacokia rîngî vûrûrirî wao. Nie Ngai-Mûnene nînie nauga ûguo.”

Jeremia 33:26

Kwoguo, nîngûtûûra mbigîte kîrîkanîro gîakwa na rûciaro rwa Jakovu na Daudi ndungata yakwa. Nîngathuura ûmwe wa rûciaro rwa Daudi atuîke mûthamaki wa njiarwa cia Iburahimu, Isaka na Jakovu. Nîûndû nîngeguîra andû akwa ntha na ndûme mathatûkwe.”

Jeremia 51:60

Nînandîkire îvukuurî maûndû macûku marîa mavatiî gûkinyîra Babuloni na maûndû mengî megiî Babuloni.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Ezek 47:14

Nînevîtire ngiuga nîngava methe menyu vûrûri ûyû ûtuîke wao. Rîu gaîrani mîvîrîga yonthe icunjî ciîganene.

Joeli 3:1

Ngai-Mûnene arauga atîrî, “Vîndî îo nîngaatûma Juda na Jerusalemu kûgacîre rîngî.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.

Luka 17:22

Jesû nîwacokire akîra arutwa ake atîrî, “Kûrî vingo îgaakinya mwîrirîrie kwona mûthenya ûmwe wa mîthenya ya Mûrû wa Mûndû nwatî mûtikawona.

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.

Luka 21:6

“Maûndû mama monthe mûrona vîndî nîgakinya îrîa ava vakethîrwa vatarî wana îthiga rîmwe rîrî îgûrû rîa rîrîa rîngî; mathiga monthe nîmakoomomorwa.”

Gûco 30:3

Ngai-Mûnene Ngai wenyu nîakaamwîguîra ntha na amûcokanîrîrie vamwe rîngî kuuma mavûrûrirî monthe marîa aamûnyaganirie.

Gûco 30:5

Ngai-Mûnene Ngai wenyu nîakaamûcokia vûrûrirî ûrîa warî wa methe menyu nîguo mûwîgwatîre rîngî; nîagaatûma mûthatûkwe mûno na mwîngîve makîria gûkîra methe menyu.

Ahib 8:8

Nwatî Ngai nîwonaga andû ake marî na mavîtia rîrîa akûmeera atîrî, “Mwathani arauga atî mîthenya nîgûkinya, rîrîa ngaathondeka kîrîkanîro gîcerû na andû a Isiraeli vamwe na andû a Juda.