Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 30:17 - ÎVUKU RÎA ÛVORO MWARO

17 “Nîngamûcokeria vinya wenyu, na nîmûvonie ironda cienyu, wana ethîrwa mamwîtaga, ‘Mûru.’ ‘Îtûûra rîa Zayuni rîtarî mûndû wa kûrîmenyerera!’ Nie Ngai-Mûnene nînie nauga ûguo.”

အခန်းကိုကြည့်ပါ။ ကော်ပီ




Jeremia 30:17
36 ပူးပေါင်းရင်းမြစ်များ  

Nîûndû ke nîativagia nwatî nîacokaga akamwova, na nîatemaga mûndû na akamûvonia.


Nîke ûndekagîra mevia monthe, na akamvonia mîrimû yakwa yonthe.


Nîwathanire na ûkîmavonia, na akîmavonokia matikathire.


Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”


Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.


Nîatûmaga njokwe nî vinya rîngî. Nîandongoragîria njîrarî cia ûthingu, nîûndû wa rîîtwa rîake.


Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”


Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.


Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.


Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.


Jerusalemu, Ngai-Mûnene nîagwîtîte rîngî ta mûndûmûka aratetwe nî mûrûme na arî na ruuo ngororî, ta mûndûmûka avikîtue arî mwîthî akînatewa. Ngai waku arauga atîrî,


Nie Mwathani Ngai mwene vinya wonthe, nînie nacokanîrîrie andû akwa, Aisiraeli kuuma îthamîriorî. Nîngaacokanîrîria andû arîa engî mathiî maûngane vamwe nao.


“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.


Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.


“Mweka maûndû mau, wega wakwa ûkaamwaragîra ta riûa rîkîratha, na mwarwara mûkaavoraga na îvenya. Ciîko cienyu mbaro nîcio ikaamûtongoragia, naguo riiri wa Ngai-Mûnene ûmûgitagîre kuuma mwena wa vuva.


Wana ethîrwa nîwatiganîrîtue na ûkamenwa, na andû onthe makaûraga nîwe, vandû va ûguo nîngaagûtua ûgîe na riiri tene na tene, kûndû kwa gûkenagîrwa nî njiarwa cionthe.


Îgema rîakwa nîrîomomore, mîkanda yarîo yonthe nîmîtuîkangu, ciana ciakwa nîindiganîrîtie, na gûtirî wanarî ûmwe mûtigaru wa kûnyambîra îgema rîngî, kana wa kûnjurîria itambaa.


Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.


Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.


Gûtirî mûndû ûkarûmbûyania na maûndû menyu, gûtirî ndawa îngîvonia ironda cienyu, mue mûtingîvona.


“Nîkwa ûtarî mwîgu ûrîa andû marauga, atî Ngai-Mûnene nîmûreganu na nyomba igîrî irîa aathuurire, na nîcio Isiraeli na Juda. Andû acio nîmanyararîte andû akwa na matimonaga ta vûrûri.


Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.


Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?


Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?


“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.


Namue nîmûkaamenya atî nie, Ngai-Mûnene nîmbîguîte irumi cionthe irîa mwarîtie ciîgiî irîma cia Isiraeli. Mwairumire mûkiugaga atî, irîma cia Isiraeli ituîkîte werû na nîmûvetwe cio mûciîgwatîre.


Nwatî mathiî kûrî andû a ndûrîrî, wa kûrîa kuonthe maathiîcaga nîmaagwatagia rîîtwa rîakwa rîtheru gîko. Nao andû nîmaaragia ûvoro ûmegiî na makauga atî, ‘Aya nî andû a Ngai-Mûnene, nwatî kûnarî ûguo nîmaaumire vûrûrirî wake.’


Nînie narutire Efiraimu kûthiî, nie mwene namocire na njara ciakwa, nwatî matiamenya atî nînie namamenyagîrîra.


Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.


Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.


Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.


Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ