Jeremia 30:16 - ÎVUKU RÎA ÛVORO MWARO

¹⁶ Kûnarî ûguo arîa onthe mamûcûkangagia nîmagaacûkangua, nacio nthû cienyu cionthe nîigaatavwa ivirwe îthamîriorî; arîa onthe mamûtavaga wanao nîmagaatavwa, na arîa onthe mamûvinyagîrîria wanao nîmakavinyîrîrua.

Jeremia 30:16 ပူးပေါင်းရင်းမြစ်များ

Thaburi 129:5

Arîa onthe mamenete Zayuni, maroconorithua na macokithue.

Ntha 23:22

Nwatî mûngîmwathîkîra na mwîkage maûndû monthe marîa ngûmwatha ngaarûaga na nthû cienyu cionthe.

Nthi 22:23

nîûndû Ngai-Mûnene nîakaamacirîrîra, na nîagaacuna arîa macunaga athîni na amacune wana mîoyo yao.

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 54:15

Mûndû wa wonthe angîgaaûka gûkûtharîkîra, ndakethîrwa atûmîtwe nînie; ûrîa wonthe ûgaakûtharîkîra, nîûkaamûvoota.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Jeremia 10:25

Îtûrûra marakara maku kûrî mavûrûri marîa matakûgoocaga, na kûrî andû arîa matagoocaga rîîtwa rîaku. Nîûndû nîmaûragîte andû aku a Isiraeli, nîmamacûkangîtie makathira viû, na magatiga vûrûri wao ûrî maganjo.

Jeremia 12:14

Ngai-Mûnene arera andû arîa aganu arîa mariganîtie na vûrûri ûrîa Ngai-Mûnene aaveere andû a Isiraeli ûrî îgai rîao atîrî, “Nama nîngûkûûra andû akwa maume vûrûrirî wao, na ngûûre vûrûri wa Juda ume gatagatî kao.

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 30:15

Mûrarîra nîûndû wa ngurara cienyu nîkî? Ruuo rwenyu rûtingîthira. Nîmwîkîte maûndû mama monthe, nîûndû mavîtia menyu nî manene, mevia menyu nî meengî mûno.

Jeremia 50:28

Andû marethara makauma vûrûri wa Babuloni na makaûra makathiî Jerusalemu kûmenyithania ûrîa Ngai-Mûnene Ngai wetû erîvîrîrîtie nîûndû wa hekarû yake.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Maca 1:21

“Tathikîrîria gûcakaya gwakwa, gûtirî mûndû wa kûmvoreria. Nthû ciakwa nîimenyete mathîna makwa, nîirakenerera kûthîna gwakwa, tûma nthû ciakwa cione mathîna ta nie.

Maca 1:22

“Tiga ûkinyîrwe nî maûndû monthe macûku marîa mekaga, na ûmaverithie wata ûrîa wamverithirie, nîûndû wa mevia makwa. Nînîracaa nîûndû wa mathîna, na ngathira vinya ngoro.”

Ezek 29:6

Andû onthe a Misiri nîmagaacoka mamenye atî Nie nînie Ngai-Mûnene. “Nîûndû andû a Isiraeli maaigîte mwîvoko wao kûrî we, nwatî wekariî ta kamûtî gatarî vinya.

Ezek 35:5

“We ûtûûraga ûrî nthû ya andû a Isiraeli na ûkîmaûragithia rîrîa maarî thînarî na vîndî îrîa maaverithagua nîûndû wa mevia mao.

Joeli 3:8

Nîngaatûma anake na erîtu enyu mendue kûrî andû a Juda, na nîmakaamendia vûrûri wa kûraca ûrîa wîtagwa Sabea. Nînie Ngai-Mûnene nauga ûguo.

Mika 4:11

Mavûrûri meengî nîmagomanîte nîguo mamûtharîkîre, makiugaga atîrî, “Tiga îtûûra rîao rîcûkangue! Natue twone Zayuni îkîanangîka!”

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Habakuku 2:16

Ûgecûrwa nî guoya vandû va gîtîîo. We mwene nîûkaanyua na ûtûgûgane! Ngai-Mûnene ke mwene nîagaatûma ûrîwe, na nthoni nîigaakunîka gîtîîo gîaku.

Zefania 2:8

Ngai-Mûnene arauga atîrî, “Nîmbîguîte andû a Moabu na a Amoni makîruma andû akwa, na makîmaruma atî nîmagwîocera vûrûri wao.

Zakaria 1:14

Kwoguo mûraika ûcio nîwambîrire atîrî, “Anîrîra uge atî Ngai-Mûnene mwene vinya wonthe arî na wendo mwîngî mûno wa Jerusalemu na Zayuni.

Zakaria 1:15

Nîrîmûrakaru mûno nî mavûrûri marîa marî na thayû, nîûndû rîrîa narakarîrîte andû akwa vanini, mavûrûri mau maathiîre na mbere kûmanyamaria makîria.

Zakaria 12:2

“Taroria, nîngûtûma Jerusalemu îtuîke ta gîkombe gîa kîndû kîngîtûma mûndû arîwe ta ûnyuîte ndivei. Juda nîkaatharîkîrwa na Jerusalemu îrigicîrue.

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.

Zakaria 2:12

Vûrûri wa Juda nîûgaatuîka îgai rîa Ngai-Mûnene kûu vûrûrirî ûrîa mûtheru, na nîakaathuura rîngî îtûûra rîa Jerusalemu rîtuîke rîake.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Gûco 30:7

Nake Ngai-Mûnene Ngai wenyu nîagaatûma irumi icio inyite nthû cienyu na andû arîa maamûnyariraga.

Kûguû 13:10

Mûndû wa wonthe ûrîa ûtuîrîtwe kwovwa njeera, nwa nginya ovwe. Mûndû wa wonthe ûtuîrîrîtwe kûûragwa na rûviû, nwa nginya aûragwe na rûviû. Ûguo nîkuga andû a Ngai magîrîrwe nî kûmîrîria na kûgîa na wîtîkio.”

1Sam 17:53

Rîrîa Aisiraeli maacokire maumîte kwîngata Afilisiti, nîmoocire indo cionthe irîa ciarî kûrîa Afilisiti maambîte magema.