Jeremia 30:11 - ÎVUKU RÎA ÛVORO MWARO

¹¹ Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 30:11 ပူးပေါင်းရင်းမြစ်များ

2Sam 24:12

“Thiî na wîre Daudi atî nînîmûva maûndû mathatû, nîguo athuure ûndû ûmwe ûrîa ngûmwîkîra gatagatîrî ka mo. Kîraûko kîu kîngî Daudi aarîkia kûramûka.”

Thaburi 6:1

Ûûi Ngai-Mûnene, ndûkanganie ûrî na marakara! Ndûkamverithie ûrî na marûrû!

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Jeremia 10:24

We Ngai-Mûnene, nûnga na njîra îrîa îmbagîrîrîte, ndûkamverithie ûrî na marakara nîûndû navota kûthira.

Jeremia 15:20

Kûrî andû aya nîngagûtua rûthingo rwa vinya rwa gîcango; nîmakaarûa nawe nwatî matigaakûvota, nîûndû nîrî vamwe nawe ngûvonokie na ngûkûûre.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 5:18

“Nwatî wana mîthenyarî îo, nie Ngai-Mûnene ndikamûcûkangia mûthire.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Ezek 11:13

Rîrîa naarathaga, Pelatia mûvîcî wa Benaia nîwakwire. Nînaacokire ngîturumithia ûthiû wakwa nthî na ngîrîra na mûgambo mûnene ngiugaga atîrî, “Ûûi Ngai-Mûnene! Nîkwa ûkûthiria andû onthe a Isiraeli?”

Ezek 6:8

“Kûnarî ûguo, nîngaatûma andû amwe matigare marî mwoyo nîguo kûgîe na arîa makaavonoka kûragwa mbaararî, nao nîmakaanyaganîria mavûrûrirî mengî.

Hosea 11:9

Nîngwîrigîrîria ndigeke ûndû na marakara; ndigaacûkangia Efiraimu rîngî, nîûndû nî Ngai na ndiîkariî ta mûndû. Nie ûrîa mûtheru gatagatîrî kenyu, ndigaûka gûkûverithia nîrî na marakara.

Alawi 26:44

Nwatî kûnarî ûguo, ndikaamatiganîria viû kana nîmacûkangia viû vîndî îrîa makethîrwa marî vûrûrirî wa nthû ciao, atî nîguo wîthîrwe ûrî mûthiia wa kîrîkanîro gîetû nao, nîûndû Nie nînie Ngai-Mûnene, Ngai wao.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Ciîko 18:10

Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.

2Tim 4:22

Nî mwakethua nî Eubulu, Pundeni, Linaisi Kilaudia na ariû na aarî a îthe wetû. Mwathani nîekare nawe. Wega wa Ngai ûrekara namue.