Jeremia 3:23 - ÎVUKU RÎA ÛVORO MWARO

²³ Nama tûrî aveenie mûno rîrîa tûragooca tûrî îgûrû rîa irîma; nama ûvonokio wa Isiraeli; umaga kûrî Ngai-Mûnene Ngai wetû.

Jeremia 3:23 ပူးပေါင်းရင်းမြစ်များ

Thaburi 3:8

Ûvootani umaga kûrî Ngai-Mûnene; irathimo ciake irogîa kûrî andû aku.

Thaburi 62:7

Ûvonokio wakwa na gîtîîo gîakwa ciumaga kûrî Ngai; nîke mûgitîri wakwa ûrîa mûnene, nîîthithaga kûrî ke.

Nthi 21:31

Mbarathi nwa îvarîrîrue nîûndû wa mbaara, nwatî Ngai-Mûnene nîke ûvotithanagia kûvootana.

Isaia 10:20

Mûthenya ûcio andû a Isiraeli, arîa makethîrwa matigarîte na andû a Juda arîa makethîrwa marî mwoyo matikevoka rîngî vûrûri ûrîa wamavinyagîrîria, nwatî makevoka nama Ngai-Mûnene, Ûrîa Mûtheru wa Isiraeli.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 45:15

Nama we wî Ngai ûrîa wîthithîte, Ngai wa Isiraeli, Mûvonokia.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Isaia 63:1

“Nû ûyû ûkîte aumîte îtûûrarî rîa Bozira, rîrîa rîrî vûrûrirî wa Edomu? Nû ûyû ûkîte ekîrîte nguo ino ndune, na akathiî arî na vinya na ûvoti mwîngî?” “Nînie Ngai-Mûnene nîranîrîra ûthingu wakwa, na nîrî na vinya wa kûvonokania.”

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Jeremia 14:8

We nîwe mwîvoko wa Isiraeli, nîwe ûmavonokagia rîrîa marî thînarî, nîndûî gîtûmîte wîkare ta mûgeni vûrûrirî wetû, ta mûvîtûki ûrîa ûraragîrîra ûtukû ûmwe?

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Jeremia 31:7

Ngai-Mûnene arauga atîrî, “Inani na gîkeno nîûndû wa andû a Isiraeli, na mugîrîrie nîûndû wa vûrûri ûrîa mûnene, anîrîrani na mûkenerere mûkiugaga atî, ‘Ngai-Mûnene nîavonoketie andû ake, matigari ma andû a Isiraeli.’

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Johana 4:22

Mue Asamaria mûtiîcî nî ûrîkû mûgoocaga nwatî tue Ayahudi nîtwîcî nî ûrîkû tûgoocaga, nîûndû ûvonokio uumaga kwa Ayahudi.