Jeremia 3:2 - ÎVUKU RÎA ÛVORO MWARO

² Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Jeremia 3:2 ပူးပေါင်းရင်းမြစ်များ

Kîam 38:14

Kwoguo nîwarutire nguo irîa ciîkagîrwa nî aka a ndigwa, na agîîkunîka ûthiû na gîtambaa. Nîwacokire akîthiî agîkara nthî kîvingorî Kîam îtûûra rîa Enaimu njîrarî ya kûthiî Timuna. Tamarû nîwamenyete atî mwanake ûrîa warî kîvinga nda Kîam Juda wetagwa Shela aarî mûgima na ndaanenganagîrwa kûrî ke nîguo amûvikie.

1Atha 11:3

Solomoni nîwavikirie aka magana mûgwanja (700) arîa maarî erîtu a athamaki, vamwe na aka magana mathatû (300) arîa aaigîte. Aka acio nîo maatûmire atiganîrie Ngai-Mûnene.

2Atha 23:13

Mûthamaki Josia nîwagwatirie mûgiro kûndû kûrîa gûtûgîru gwa kûgoocagîrwa mûthamaki Solomoni aatumîte mwena wa îrathîro wa Jerusalemu, kûthiî îveti rîa Kîrîma gîa Sini. Solomoni aatumîte kûndû kûu nîûndû wa kûgooca mîvuanano ya; Ashitorethu, ngai ya nga ya andû a Sidoni; Kemoshi, ngai ya andû a Moabu; na Moleku, ngai ya Aamoni na agîkûgwatia mûgiro.

Thaburi 106:38

Nîmeetûrûrire nthakame ya andû mataarî na mavîtia, nthakame ya anake na erîtu ao; arîa maarutire marî magongoona kûrî mîvuanano ya Kanaani, naguo vûrûri ûkîgwatwa nî mûgiro nîûndû wa nthakame îo.

Nthi 23:28

Ekaraga etererete ta mûcunani, na nîatûmaga arûme eengî methîrwe matarî evokeku.

Nthi 7:11

Aarî mûndûmûka wa înegene na ndûrîka, ndaakindagîria gwake mûciî.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 2:23

Nwa uuge atî, “Nie ndirî na mûgiro, na nie ndianagooca Baali? Taroria mîthiîre yaku kûu Kîandarî, ta menya ûrîa wekire kuo; we wîkariî ta mori ya ngamîîra, îvinyûraga ava na vaarîa îrî na mûruke.

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Ezek 16:16

Nîwocire nguo imwe ciaku na ûkîgemia kûndû kûrîa warûthîte gwa kûvoera na ûkîvûrîra ûmaraa kuo. Ûndû ta ûcio ndwanoneka rîngî na ndûkooneka.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Luka 16:23

Rîrîa Kîamthînîkaga kîrî îcuarî, nîkîaroririe na îgûrû na gîkîona Iburahimu na Lazaro marî varaca na mekaranîrîte.

Gûco 12:2

Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.