Jeremia 3:16 - ÎVUKU RÎA ÛVORO MWARO

¹⁶ Vîndî îrîa mûkethîrwa mwongererekete na mûkengîva vûrûrirî, andû matigekaraga matakûgweta îthandûkû rîakwa rîa kîrîkanîro. Andû matikagweta, kana marîririkana rîngî, matikarîvatara kana marûtha rîngî.

Jeremia 3:16 ပူးပေါင်းရင်းမြစ်များ

Isaia 60:22

Ûrîa mûnini gatagatîrî kenyu nîagaakûra atuîke mûvîrîga, nake ûrîa ûtarî na vinya atuîke rûrîrî rwî na vinya. Vîndî îrîa mbagîrîru yakinya nîngeka ûguo na îvenya. Nie nînie Ngai-Mûnene!”

Isaia 61:4

Nîmagaatuma rîngî nyomba irîa ciomomoretwe tene, nîmagaatuma rîngî matûûra marîa maacûkangîtue mbere, na magatigwa matarî andû nî njiarwa nyîngî.

Isaia 65:17

Ngai-Mûnene arauga atîrî, “Nîngûmba îgûrû rîcerû na nthî njerû. Maûndû marîa makûrû matikaaririkanwa rîngî, wana kana gwîciirague ûvoro wamo.

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 30:19

Atûûri a Jerusalemu nîmakaaina nyîmbo cia kûgooca, nîmakaugîrîria nî gûkena, nîngatûma mongerereke na matikanyiva; nîngatûma matîwe na matikairwa.

Jeremia 31:27

Ngai-Mûnene arauga atîrî, “Îvinda nîrîgakinya rîrîa ngecûria vûrûri wa Isiraeli na wa Juda andû na nyamû.

Jeremia 31:8

Taroria nîngamareta kuuma vûrûri wa mwena wa rûgûrû na nîmacokanîrîrie kuuma mîthiia yonthe ya nthî. Magaacoka marî gîkundi kînene, gatagatîrî kao kûrî ndumumu cionje na ithua, aka arîa marî na mavu na arîa marî vakuvî gûciara.

Jeremia 7:4

Mûtikevoke ciugo ino cia maveeni: ‘Îno nî hekarû ya Ngai-Mûnene, îno nî hekarû ya Ngai-Mûnene, îno nî hekarû ya Ngai-Mûnene.’

Ezek 15:5

Rîrîa ûtaarî mûvîu ndwarî na vata, na rîu ûvîte na ûkarûngûra ndûrî na vata wanarî vanini.”

Ezek 37:26

Nîngaathondeka kîrîkanîro Kîam thayû nao na gîkethîrwa kîrî gîa gûtûûra tene na tene. Nîngaamarathima na ndûme mongerereke, na nîngaatuma hekarû yakwa vûrûrirî wao îtûûrage kuo tene na tene.

Amosi 9:9

“Nîûndû nîngaathana na mvûnge andû a Isiraeli mavûrûrirî marîa mengî, ta ûrîa mûndû avûngaga ngano na gîcungi, na nîngaaruta kîndû kîonthe gîcûku.

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Mathaayo 1:11

Josia aarî îthe wa Jekonia vamwe na ariû a îthe. Îvindarî rîrîa ciana cia Isiraeli ciathamîîrue Babuloni.

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.