Jeremia 29:23 - ÎVUKU RÎA ÛVORO MWARO

²³ Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 29:23 ပူးပေါင်းရင်းမြစ်များ

Kîam 31:50

Labani nîwathiîre na mbere na mîario na akiuga atîrî, “Ûngîkaathînia erîtu aya akwa kana ûvikie erîtu engî wana ethîrwa ndikethîrwa ngîmenya, ririkanaga atî Ngai nîke mûira.

Kîam 34:7

Vîndî îo avîcî a Jakovu nîmaaumire kûrîthia. Na rîrîa meegwire ûvoro ûcio, nîmaamakire na makîrakara mûno nîûndû wa ûrîa Shekemu eekîte. Na njîra ya gîko kîu gîa kûnyita mwarî wa Jakovu na vinya na kûmûmenya kîîmwîrî, Shekemu nîwaretire gîconoko kûrî andû a Isiraeli. Ûndû ta ûcio ndwagîrîrwe nî gwîkîka.

2Sam 13:12

Tamarû nîwamûcokerie atîrî, “Naarî tiga kûningîrîria mbîke ûndû wa gîconoko kînene ûguo! Ûndû ta ûcio ndwanekwa gûkû Isiraeli!

Nthi 5:21

Ngai-Mûnene ethagîrwa aroretie mîthiîre ya mûndû, na nîonaga njîra ciake cionthe.

Jeremia 13:27

Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 23:16

Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Jeremia 23:21

Ngai-Mûnene arauga atîrî, “Ndianatûma arathi, nwatî nîmaavinyûrire na ndianameera wanarî ûndû nwatî nîmaarutire ûrathi.

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Jeremia 29:21

“Ngai-Mûnene mwene vinya wonthe, Ngai wa Isiraeli nîarîtie ûvoro wîgiî Ahabu mûvîcî wa Kolaia na Zedekia mûvîcî wa Maaseia, arîa mararatha maûndû ma maveeni na rîîtwa rîakwa: Nîngûmanenganîra kûrî Nebukadinezarû Mûthamaki wa Babuloni nake nîakamaûraga mûkîonaga.

Jeremia 29:31

“Tûmîra andû onthe arîa marî îthamîriorî ndûmîrîri îno îgiî Shemaia wa Nehelamu: Nie Ngai-Mûnene nîrauga atî, Shemaia nîamûrathîrîte maûndû marîa nie ndamûtûmîte, na agîtûma mwîtîkia maûndû matarî ma ma.

Jeremia 5:8

Mekariî ta mbarathi cia njamba îvetwe irio ikanora, wa mûndû akeriragîria mûka wa mûndû ûrîa wîngî.

Jeremia 7:11

Nîkwa hekarû îno îtanîtue na rîîtwa rîakwa, îrî ngurunga ya acunani? Menyani atî nîmenyete ciîko cienyu cionthe.

Ezek 35:13

Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Atir 11:10

Athuuri acio nîmeerire Jefitha atîrî, “Îî nîtwetîkîra, na Ngai-Mûnene nîke mûira wetû.”