Jeremia 29:14 - ÎVUKU RÎA ÛVORO MWARO

¹⁴ nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 29:14 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 126:1

Rîrîa Ngai-Mûnene aatûcokirie Zayuni rîngî, twekariî ta andû makîroota!

Thaburi 126:4

We Ngai-Mûnene, tûcokerie riiri ûrîa twarî naguo tene, ta manjî macokete nyûnjîrî nyûmagaru.

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Isaia 43:5

Mûtigetigîre nîûndû nîrî vamwe namue! Nîngaamûretere njiarwa cienyu kuuma mwena wa îrathîro, na nîmacokanîrîrie kuuma mwena wa îthûîro.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Jeremia 12:15

Narîkia kûmakûûra nîngameguîra ntha rîngî, na nîmacokie wa mûndû vûrûrirî wake kûrîa aagaîrwe.

Jeremia 3:14

Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Jeremia 31:17

Kûrî na kîîrîgîrîro mûtûûrîrerî waku wa vuvarî, ciana ciaku nîigaacoka vûrûrirî wao. Ûguo nîguo nie Ngai-Mûnene nîrauga.

Jeremia 31:23

Ngai-Mûnene mwene vinya wonthe Ngai wa Isiraeli arauga atîrî, “Rîrîa ngaacokia andû a Isiraeli vûrûrirî wao, marî vûrûrirî wa Juda na matûûrarî maguo, nîmakaauga atî: ‘Ngai-Mûnene akûrathime we kîrîma kîthingu Kîam Jerusalemu, akûrathime we kîrîma kîtheru!’

Jeremia 51:10

Ngai-Mûnene nîonanîtie atî tûtirî na mavîtia; tûthiîni Zayuni tûkanîrîre ûrîa Ngai-Mûnene Ngai wetû ekîte.

Jeremia 8:3

Andû arîa maatigarire a rûrîrî rûrû rwaganu, arîa matûûraga kûrîa namanyaganirie nîmakerirîria gûkua gûkîra gûtûûra mwoyo, ûguo nîguo Ngai-Mûnene, mwene vinya wonthe arauga.”

Ezek 37:21

Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

Ezek 39:25

Kwoguo Mwathani Ngai-Mûnene augîte atîrî, “Rîu nîngwîguîra andû a Jakovu ntha, na nîo andû a Isiraeli na ndûme mathatûkwe rîngî. Nîngaatûma rîîtwa rîakwa rîtheru rîvecagwe gîtîîo.

Amosi 9:14

Nîngacokia andû akwa vûrûrirî wao, nîmagaatuma rîngî matûûra marîa moomorirwe na matûûre kuo, nîmakaavanda mîthavibu na manyue ndivei ya yo, nîmakavanda irio mûgûndarî na marîe maketha ma yo.

Mika 4:12

Nwatî maticî meciria ma Ngai-Mûnene, kana mataûkîrwa nî mûvango wake. Matiramenya amacokanîrîrîtie vamwe ta ikûmbwa cia ngano îtîrirî.

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.

Aroma 10:20

Nake Isaia wanake nîaugîte arî na ûmîrîru atîrî: “Nînoonirwe nî andû arîa mataanjaragia; nîneyumîririe kûrî andû arîa mataambûragia.”

Gûco 30:1

Musa nîwerire andû a Isiraeli atîrî, “Rîrîa maûndû mau monthe narîkia kûmwîra megiî kîrumi na kîrathimo makaamûnyita, na mwîcirie waro ûvoro wamo mûrî mavûrûrirî marîa Ngai-Mûnene Ngai wenyu amûnyaganîtie,

Gûco 30:3

Ngai-Mûnene Ngai wenyu nîakaamwîguîra ntha na amûcokanîrîrie vamwe rîngî kuuma mavûrûrirî monthe marîa aamûnyaganirie.

Gûco 30:5

Ngai-Mûnene Ngai wenyu nîakaamûcokia vûrûrirî ûrîa warî wa methe menyu nîguo mûwîgwatîre rîngî; nîagaatûma mûthatûkwe mûno na mwîngîve makîria gûkîra methe menyu.

Gûco 4:7

“Nî vûrûri ûrîkû wana ethîrwa ûrî mûnene atîa wîthagîrwa ûrî na ngai îrî vakuvî naguo ta ûrîa Ngai-Mûnene, Ngai wetû ethagîrwa arî vakuvî natue rîrîa rîonthe twamwîta?