Jeremia 29:10 - ÎVUKU RÎA ÛVORO MWARO

¹⁰ “Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 29:10 ပူးပေါင်းရင်းမြစ်များ

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Ezira 1:2

“Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.

Thaburi 102:14

Ndungata ciaku nîciendete îtûûra rîu, wana ethîrwa nî rîomomoku, nîirarîguîra ntha wana ethîrwa nîrîcûkangu viû.

Jeremia 25:11

Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 27:22

Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 29:28

Ke nîwagîrîrwe nî kûgirua kûratha nîûndû ethîrîtwe akîrathîra andû arîa marî Babuloni atî nîmatûûra marî îthamîriorî kavinda karaca, na nîmagîrîrwe nî gûtuma nyomba na matûûre kuo, na marîme mîgûnda na marîe maketha ma mîgûnda yao.’ ”

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 33:14

Ngai-Mûnene arauga atîrî, “Kavinda nîgagûkinya, rîrîa ngavingia kîîranîro gîakwa na andû a Isiraeli na a Juda.

Ezek 11:17

“Kwoguo meere Ngai-Mûnene augîte nîngaamaûngania nîmarute mavûrûrirî marîa naamanyaganîrie, na nîngaamacokia vûrûrirî wa Isiraeli.

Danieli 9:2

Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Zakaria 1:12

Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”

Zakaria 7:5

na akîmbîra atîrî, “Ûria andû onthe a Isiraeli na athînjîri-Ngai kana rîrîa menyerekagia na magacakaya mweri wa gatano na wa mûgwanja îvinda rîa mîaka mîrongo mûgwanja îthirîte, mekaga ûguo nîûndû wakwa?

Ruthu 1:6

Vuvarî, Naomi nîwegwire atî Ngai-Mûnene nîwarathimîte andû ake na njîra ya kûmava maketha maro. Kwoguo Naomi nîwevarîrie nîguo aume vûrûrirî ûcio wa Moabu na acoke kwao marî na aa nyaciarawe acio maatigîtwe nî avîcî ake rîrîa maakuire.