Jeremia 28:6 - ÎVUKU RÎA ÛVORO MWARO

⁶ na akîmwîra atîrî, “Ameni! Ngai-Mûnene aroîka guo. Ngai-Mûnene arovingia maûndû marîa waratha na acokie indo cionthe cia hekarû kuuma Babuloni, airete gûkû vamwe na andû arîa onthe maatavîtwe makavirwa îthamîriorî.

Jeremia 28:6 ပူးပေါင်းရင်းမြစ်များ

1Atha 1:36

Nake Benaia mûvîcî wa Jehoiada nîwacokerie mûthamaki atîrî, “Ameni, Ngai-Mûnene, Ngai wa mwathi wakwa mûthamaki arouga wa ûguo.

1Maû 16:36

Ngai-Mûnene, Ngai wa Isiraeli, Nîakumue! Nîakumue nginya tene na tene.” Andû onthe nîmaacokire makiuga, “Ameni,” na nîmaakumirie Ngai-Mûnene.

Thaburi 106:48

Ngai-Mûnene, Ngai wa Isiraeli arokumua; arokumua tene na tene! Andû onthe nîmauge, “Ameni!”

Thaburi 41:13

Ngai-Mûnene, Ngai wa Isiraeli arokumua! Arokumua tene na tene! Ameni! Ameni!

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Thaburi 89:52

Ngai-Mûnene, ûrokumua tene na tene! Ameni! Ameni!

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 17:16

Ndiakûringîrîria ûmaretere thîna, kana ngerirîria mûthenya wa mûthiro, we Ngai-Mûnene nîwîcî; kîrîa Kîamumire kanyuarî gakwa nîûgicî.

Jeremia 18:20

Ûndû mwaro nîûrîvagwa na ûndû mûcûku? Nwatî o maramînjîra îrima ngwe, ririkana ûrîa narûngamire mbere yaku ngîkwîra ûrîa marî aro, nîguo ûthirie marakara maku kûrî o.

Jeremia 28:3

Îvinda rîa mîaka îrî nîngwîthîrwa njoketie indo cia hekarû gûkû irîa mûthamaki Nebukadinezarû wa Babulonia oocire gûkû akîivira Babuloni.

Zakaria 6:10

na akîmbîra atîrî, “Oca iveo irîa ivecanîtwe nî Helidai, Tobija, na Jedaia, arîa maraumire îthamîriorî Babuloni, na wa ûmûnthî ûthiî mûciî kwa Josia mûvîcî wa Zefania.

Ndari 5:22

Manjî mama marotonya îvurî rîaku na matûme rimbe na ciîga ciaku cia ûciari ithire vinya.” Nake mûndûmûka nîagaacokia atîrî, “Ameni, Ameni.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

1Akor 14:16

Nwatî ethîrwa mue mûkumagia Ngai na roho wenyu, mûndû ûrîa ûtarî mûtaûkîre na mûrî nake mavoyarî menyu angîvota atîa kuga “Ameni”? Ke ndangîvota kûmenya ûrîa ûrauga.

2Akor 1:20

nîûndû nîke wîthagîrwa arî “Ii” kûrî ciîranîro cionthe cia Ngai. Ûndû ûyû nîguo ûtûmaga tuge na njîra ya Jesû Kristû “Ameni” rîrîa tûgûkumia Ngai na njîra ya Jesû Kristû.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 19:4

Nao athuuri arîa mîrongo îîrî na ana vamwe na ciûmbe irîa irî mwoyo inya nîmeegwîthirie nthî na makîgooca Ngai ûrîa wekarîrîte gîtî Kîam ûnene, makiugaga, “Ameni, Ngai arokumua!”

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 5:14

Nacio ciûmbe inya irîa irî mwoyo nîciacokirie atîrî, “Ameni!” Nao athuuri nîmeegwîthirie nthî na makîgooca.