Jeremia 28:17 - ÎVUKU RÎA ÛVORO MWARO

¹⁷ Mwaka wa ûcio, mweri wa mûgwanja mûrathi Hanania nîwakwire.

Jeremia 28:17 ပူးပေါင်းရင်းမြစ်များ

2Atha 7:20

Ûguo nîguo gwekîkire kûrî mûthigari ûcio watethagîrîria mûthamaki: andû maamûkinyangire arî kîvingorî na agîkua.

Jeremia 23:31

Nama nie Ngai-Mûnene nîngûrûa na arathi arîa maîanaga ciugo ciao, magacoka makauga atî nî Ngai-Mûnene ugîte.

Jeremia 28:1

Mwaka wa ûcio, mweri wa gatano mwaka wa kana Zedekia arî mûthamaki wa Juda, Hanania mûvîcî wa Azuri, mûrathi kuuma îtûûra rîa Gibeoni, nîwaririe nanie nîrî hekarûrî, na mbere ya athînjîri-Ngai na andû onthe na akiuga atîrî,

Jeremia 28:16

Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Jeremia 29:1

Îno nîo maarûa îrîa mûrathi Jeremia aatûmîre atongoria, athînjîri-Ngai, arathi na andû arîa Nebukadinezarû aavirîte îthamîriorî Babulonia kuuma Jerusalemu.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’