Jeremia 28:15 - ÎVUKU RÎA ÛVORO MWARO

¹⁵ Nake mûrathi Jeremia nîwerire mûrathi Hanania atîrî, “Hanania, tathikîrîria! Ngai-Mûnene ndaagûtûma, na nîûtûmîte andû aya metîkie maûndû ma maveeni.

Jeremia 28:15 ပူးပေါင်းရင်းမြစ်များ

1Atha 22:23

Kwoguo Mikaia nîwathiririe na kuga atîrî, “Ngai-Mûnene nîatûmîte arathi aya aku onthe maveenanie. Nwatî Ngai-Mûnene ke mwene nîaugîte atî nîûkaagîa na ûndû mûcûku!”

Jeremia 20:6

Nawe Pashuri, na andû onthe arîa matûûraga nyomba gwaku, nîmûgaatavwa mûvirwe Babuloni mûrî ngombo. Kûu nîkuo we na arata aku onthe arîa wavecaga ûrathi wa maveeni mûgakuîra na mûthikwe.’ ”

Jeremia 23:21

Ngai-Mûnene arauga atîrî, “Ndianatûma arathi, nwatî nîmaavinyûrire na ndianameera wanarî ûndû nwatî nîmaarutire ûrathi.

Jeremia 23:31

Nama nie Ngai-Mûnene nîngûrûa na arathi arîa maîanaga ciugo ciao, magacoka makauga atî nî Ngai-Mûnene ugîte.

Jeremia 27:15

Ngai-Mûnene augîte: tî nie ndûmîte arathi acio, nwatî maramûrathîra maûndû ma maveeni magîtûmagîra rîîtwa rîakwa. Nîngûmwîngata mûthiî mûkaûragwe, mue vamwe na arathi acio maramwîra maûndû ma maveeni.”

Jeremia 28:11

Hanania nîwaririe arî mbere ya andû onthe na akiuga atî, Ngai-Mûnene arauga atîrî, “Ûguo nîguo ngaunanga îcoki rîrîa Nebukadinezarû mûthamaki wa Babuloni aigîrîrîte mavûrûri monthe. Ngeka ûguo îvindarî rîa mîaka îîrî îgûka.” Vuva wa ûguo mûrathi Jeremia nîwacokire akînethiîra.

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 29:8

Nîûndû Ngai-Mûnene mwene vinya wonthe, Ngai wa Isiraeli arauga atî mûtigetîkîre kûveenua nî arathi na aragûri arîa marî gatagatîrî kenyu na mûtikathikîrîrie iroto ciao.

Jeremia 7:8

“Taroriani, mûtûûraga mwîtîkîtie ciugo cia maveeni.

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 13:6

Cioneki ciao nî cia mana na maûndû marîa marathaga nî ma maveeni. Maugaga nî maria vandûrî vakwa, nwatî nie ndimatûmîte, na atî nîmerîgagîrîra nîmavingîrie maûndû mau.

Ezek 13:9

Nîngaaverithia arathi arîa monaga cioneki itarî cia ma na marathaga maûndû ma maveeni. Matikethîrwa marî a gîkundi Kîam andû akwa vîndî îrîa makagomana gûtua ciira, kana mûtaranîrue na andû a Isiraeli. Matigaatonya vûrûrirî wa Isiraeli, na nîmakaamenya atî, nie nînie Ngai-Mûnene.

Ezek 22:28

Arathi ao nîmatenderetie ngoro ciao ta ûrîa mûndû avakaga rûthingo cokaa. Monaga cioneki cia maveeni, na makaratha maûndû ma maveeni makiugaga atî nî Ngai-Mûnene warîtie wa rîrîa atarîtie.

Zakaria 13:3

Kûngîkaaumîra rîngî mûndû ûkaaratha maûndû, îthe na ng'ina arîa maamûciarire nîmakaamwîra atî, ‘We nîûgûkua nîûndû nîwarîtie maveeni rîîtwarî rîa Ngai-Mûnene.’ Angîkaaratha maûndû, îthe na ng'ina nîmakaamûmunda na kaviû mamûrage.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’