Jeremia 28:14 - ÎVUKU RÎA ÛVORO MWARO

¹⁴ Ngai-Mûnene, mwene vinya wonthe Ngai wa Isiraeli augîte atî nîagwîkîra andû a mavûrûri monthe îcoki rîa cuuma, na atî magatungatagîra Nebukadinezarû Mûthamaki wa Babulonia. Augîte atî nginya nyamû cia kîthaka igaatungatagîra Nebukadinezarû.”

Jeremia 28:14 ပူးပေါင်းရင်းမြစ်များ

Jeremia 15:12

Kûrî mûndû ûngîvota kuna cuuma, makîria îrîa yumîte mwena wa rûgûrû; kana gîcango?

Jeremia 27:4

Atha arîrîria acio a thirikari makeere anene ao atî nie Ngai-Mûnene mwene vinya wonthe, Ngai wa Isiraeli nîramera atî:

Jeremia 27:8

“Nwatî vûrûri wa wonthe kana ûthamaki ûngîkarega gûtungatîra Nebukadinezarû mûthamaki wa Babuloni na kûmwathîkîra, nîngaverithia vûrûri ûcio na mbaara, yûra na mîrimû na nîûthirie viû na njîra ya mûthamaki Nebukadinezarû.

Jeremia 40:4

Rîu, nîngûkwovora mvîngû njara. Ethîrwa nîûkwona kwagîrîte tûthiî nawe Babuloni, ûka tûthiî, na nîngûkûmenyerera waro. Nwatî ethîrwa ndûrona kwagîrîrîte tûthiî nawe Babuloni, ndûgaûke. Ûrîmwîtîkîrie kûthiî vandû wa vonthe ûngîenda vûrûrirî ûyû.

Maca 1:14

“Nîwatarire mevia makwa monthe, na akîmovania monthe vamwe. Nîwamoverere ngingorî yakwa, ngîthira vinya nîûndû wa ûrito wa mo. Mwathani nîwandekererie njararî cia nthû ciakwa, irîa ndangîavotire gwîtirîria.

Danieli 2:38

Nîagûtuîte Mwathi wa andû onthe arîa matûûraga gûkû nthî, nyamû cia kîthaka, na iconi cia rîerarî. We nîwe kîongo kîu Kîam thaavu.

Hosea 10:11

Efiraimu nî mori mvundithie waro mûno, nîyendete kûthiga ngano. Kwoguo nîngwîkîra îcoki ngingorî îo yayo mbaro, Juda nîarîma na mûraû arî wenga, Jakovu nîuna ndira arî wenga.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.