Jeremia 27:4 - ÎVUKU RÎA ÛVORO MWARO

⁴ Atha arîrîria acio a thirikari makeere anene ao atî nie Ngai-Mûnene mwene vinya wonthe, Ngai wa Isiraeli nîramera atî:

Jeremia 27:4 ပူးပေါင်းရင်းမြစ်များ

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 27:3

Ûcoke ûtûme ndûmîrîri kûrî mûthamaki wa Edomu, Moabu, Amoni, Turo, Sidoni na njîra ya aarîrîria a thirikari arîa maûkîte Jerusalemu kûrî Zedekia mûthamaki wa Juda.

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Jeremia 28:14

Ngai-Mûnene, mwene vinya wonthe Ngai wa Isiraeli augîte atî nîagwîkîra andû a mavûrûri monthe îcoki rîa cuuma, na atî magatungatagîra Nebukadinezarû Mûthamaki wa Babulonia. Augîte atî nginya nyamû cia kîthaka igaatungatagîra Nebukadinezarû.”

Jeremia 51:19

Ngai wa Jakovu ndavana ta cio; nîûndû nîke waûmbire indo cionthe, na akîthuura mûvîrîga wa Isiraeli ûtuîke andû ake kîûmbe. Ngai-Mûnene mwene vinya wonthe nîrîo rîîtwa rîake.