Jeremia 27:13 - ÎVUKU RÎA ÛVORO MWARO

¹³ Nîndûî gîgûtûma we na andû aku mûkua nî mbaara, yûra na mîrimû? Maûndû mama nîmo Ngai-Mûnene aaugîte nîmagekîka kûrî vûrûri wa wonthe ûrîa ûtagatungatîra mûthamaki wa Babuloni.

Jeremia 27:13 ပူးပေါင်းရင်းမြစ်များ

Nthi 8:36

Nwatî arîa matamonaga metivagia o ene, arîa mamenete nîmendete gîkuû.”

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 27:8

“Nwatî vûrûri wa wonthe kana ûthamaki ûngîkarega gûtungatîra Nebukadinezarû mûthamaki wa Babuloni na kûmwathîkîra, nîngaverithia vûrûri ûcio na mbaara, yûra na mîrimû na nîûthirie viû na njîra ya mûthamaki Nebukadinezarû.

Jeremia 38:2

Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Jeremia 38:20

Jeremia nîwacokirie atîrî, “Ndûkanenganîrwa kûrî o. Athîkîra mûgambo wa Ngai-Mûnene, wata ûrîa nîrakwîra, na maûndû maku nîmagûtuîka maro na ûvonokie mwoyo waku.

Jeremia 38:23

“Aka aku wana avîcî aku nîmakaavirwa gwa Akalidei, na we mwene ndûkavonoka ume njararî ciao, nwatî nîûkanyitwa nî mûthamaki wa Babuloni na îtûûra rîîrî rîvîvue na mwaki.”

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.