Jeremia 26:9 - ÎVUKU RÎA ÛVORO MWARO

⁹ Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Jeremia 26:9 ပူးပေါင်းရင်းမြစ်များ

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Isaia 29:21

Ngai nîagaacûkangia arîa marutaga ûira wa maveeni nîguo mûndû atuwe mwîvia, arîa mavîtithagia atucanîri ciira magootirî, na arîa maragia maveeni, nîguo maime arîa matarî na mavîtia kîvooto Kîamo.

Jeremia 32:3

Zedekia mûthamaki wa Juda nîke wavingîrîte Jeremia, akîmûragia atîrî, “Nîndûî gîtûmîte ûrathe maûndû ûkiugaga Ngai-Mûnene augîte atî, ‘Nîngûvecana îtûûra rîîrî kûrî mûthamaki wa Babuloni na nîakûrîîgwatîra.

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Mika 2:6

Maugaga atîrî, “Ndûgatûvunjîrie, ndwagîrîrwe nî gûtûvunjîria maûndû mama; nîûndû Ngai ndangîtûconorithia.

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Mathaayo 27:20

Nao anene a athînjîri-Ngai na athuuri nîmaaringîrîrie kîrîndî kîre Pilato amarekerie Baraba na aûragithie Jesû.

Maariko 15:11

Kwoguo anene a athînjîri-Ngai nîmaaringîrîre kîrîndî kîre Pilato amarekerie Baraba.

Johana 8:20

Jesû aaririe maûndû mama monthe vîndî îrîa aathomithanagia hekarûrî arî vakuvî na kanyomba karîa kaaigagwa tûthandûkû tûrîa twekagîrwa mûvothi. Nwatî gûtirî mûndû wana ûmwe wamûnyitire nîûndû îvinda rîake rîtiarî rîkinyu.

Johana 8:59

Nao nîmoocire mathiga nîguo mamwikie, nwatî Jesû nîwethithire na akiuma kûu hekarûrî.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 21:30

Nao andû onthe arîa maarî kûu Jerusalemu nîmaaunjugîkire, magîtitimûka mathiîte na kûrî Paûlo, makîmûnyita, na makîmûruta kûu hekarûrî mamûkururîtie. Nayo mîrango ya hekarû nîyavingirwe wa rîmwe.

Ciîko 22:22

Nakîo nîkîambîrîrie kugîrîria atîrî, “Ke nîaûragwe! Ndagîrîrwe nî gûtûûra mwoyo!”

Ciîko 3:11

Rîrîa mûndû ûcio enyitîrîrîte varî Petero na Johana vau kîthakurî kîrîa gîetagwa Kîam Solomoni, andû nîmaamakire mûno na makîvinyûra varî o.

Ciîko 5:12

Atûmwa nîmaaringire ciama nyîngî na morirû gatagatîrî ka andû. Nao etîkia nîmaacemanagia kîthakurî gîa Solomoni.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.