Jeremia 26:2 - ÎVUKU RÎA ÛVORO MWARO

² “Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Jeremia 26:2 ပူးပေါင်းရင်းမြစ်များ

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Jeremia 19:14

Nake Jeremia nîwacokire akiuma Tofethi kûrîa Ngai-Mûnene aamûtûmîte akanîrîre ndûmîrîri yake, na akîthiî akîrûgama nyombarî ya Ngai-Mûnene na akîîra andû onthe atîrî,

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 25:2

Jeremia nîwavere andû onthe a Juda na a Jerusalemu ndûmîrîri îo akîmera atîrî,

Jeremia 28:5

Nake mûrathi Jeremia nîwacokire akîarîria mûrathi Hanania mbere ya athînjîri-Ngai na andû onthe arîa maarûngamîte hekarûrî;

Jeremia 36:10

Baruku nîwathomere andû onthe ciugo cia Jeremia irîa ciandîkîtwe îvukuurî rîa gîkûnjo, arî nyombarî ya Ngai-Mûnene kanyombarî ka Gemaria mûvîcî wa Shafani ûrîa warî mwandîki. Kanyomba kau kaarî mwena wa îgûrû vakuvî na mwîrîga mûcerû wa nyomba ya Ngai-Mûnene.

Jeremia 42:4

Nake Jeremia nîwamacokerie atîrî, “Nîwaro nînegua; rîu nîngûvoya Ngai-Mûnene Ngai wenyu wata ûrîa mwambûria, na ûrîa wonthe akanjokeria nîngûmwîra, ndikamûthitha wanarî ûndû.”

Jeremia 7:2

mûrangorî wa hekarû ya Ngai-Mûnene na anîrîre ndûmîrîri îno auge atîrî, “Thikîrîriani ndûmîrîri ya Ngai-Mûnene mue arîa mûtonyaga gûkû hekarûrî kûgooca Ngai-Mûnene.

Jeremia 7:27

“Kwoguo we Jeremia, îra andû akwa maûndû mama monthe, nwatî tîmakûthikîrîria. We nîûkameta, nwatî matigagwîtîka.

Ezek 3:10

Nîwacokire akîmbîra atîrî, “We mûndû, thikîrîria waro maûndû monthe marîa ngûkwîra na ûmaige ngororî yaku.

Ezek 33:7

“Kwoguo, we mûndû, nîngûthuurîte ûtuîke mûrangîri wa andû a Isiraeli. Vîndî cionthe ûngîkegua kiugo kuuma kanyuarî gakwa, ûgakaania andû a Isiraeli ûrîa ngaakwîra ûmakaanie.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Luka 19:47

Wa mûthenya Jesû nîwathomithanagîria hekarûrî. Nao anene a athînjîri-Ngai, arimû a Watho wa vamwe na atongoria a andû nîmeendaga kûmûraga.

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 8:2

Kîraûko tene mûthenya ûcio wîngî, Jesû nîwacokire hekarûrî. Nao andû onthe nîmaathiîre kûrî ke, nake agîkara nthî na akîambîrîria kûmathomithia.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Ciîko 5:25

Nake mûndû ûmwe nîwatonyire Kîammarî na akîmeera atîrî, “Tathikîrîriani! Andû arîa mûraikirie njeera marûngamîte hekarûrî ndaarî makîthomithia andû!”

Ciîko 5:42

Na wa mûthenya wa mûthenya Atûmwa nîmaathiîcaga hekarûrî na mîciîrî ya andû, kûthomithania na kûvunjia Ûvoro Mwaro wîgiî Jesû ûrîa Mesaya.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Josh 8:35

Andû onthe a Isiraeli, aka na ciana na ageni arîa maatûûranagia nao nîmaathomerwe mawatho monthe marîa Musa aandîkire. Gûtirî wana rîmwe rîamo rîatigîrîrwe.

Kûguû 22:19

Nake mûndû wa wonthe ûkaaruta kîndû ûrathirî ûrîa ûrî îvukuurî rîîrî, Ngai nî akaamûcuuna îgai rîa matunda ma mûtî wa mwoyo, na amûcune îgai rîrîa rîrî îtûûra rîrîa rînene rîtheru. Irathimo icio nîciarîtue ûvoro wacio îvukuurî rîîrî.