Jeremia 26:12 - ÎVUKU RÎA ÛVORO MWARO

¹² Jeremia nîwacokire akîarîria anene na andû onthe akîmeera atîrî, “Ngai-Mûnene nîwandûmire ndathîre hekarû îno na îtûûra rîîrî maûndû mau monthe mwegua.

Jeremia 26:12 ပူးပေါင်းရင်းမြစ်များ

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

Ciîko 5:29

Nwatî Petero na atûmwa acio engî nîmaamacokerie atîrî, “Tue nwa nginya twathîkîre Ngai vandû va kwathîkîra andû.