Jeremia 25:9 - ÎVUKU RÎA ÛVORO MWARO

⁹ nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 25:9 ပူးပေါင်းရင်းမြစ်များ

2Atha 24:2

Ngai-Mûnene nîwacokire agîtûma ikundi cia andû marî na indo cia mbaara kuuma Babuloni, Sîria, Moabu, na Aamoni mathiî makerwe na Jehoiakimu na macûkangie Juda, wata ûrîa Ngai-Mûnene aaugîte na njîra ya ndungata ciake arathi.

2Maû 29:8

Kwoguo Ngai-Mûnene nîwarakarirue mûno nî andû a Juda na a Jerusalemu na nîamekîte ûndû wa kûmakania, ûndû ûrî na guoya na wa kînyarari wata ûrîa mûreyonera na metho menyu mue ene.

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 13:3

Nie mwene nîmbathîte arîa nyamûrîte, nîmbîtîte andû akwa arîa njamba arîa makenaga rîrîa navootana, makarûe na arîa mandakarîtie.”

Isaia 39:7

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Jeremia 1:14

Ngai-Mûnene nîwacokire akîmbîra atî, mûthiro nîûkaarekererua kuuma mwena wa rûgûrû ûkinyîre andû onthe arîa matûûraga vûrûrirî ûyû.

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 10:22

Tathikîrîriani! Kûrî na ndûmîrîri yatûkinyîra! Kûrî na înegene înene kuuma mwena wa rûgûrû, vûrûri wa mwena wa rûgûrû nî ûkîte; gûtûma matûûra ma Juda matuîke werû, kûrîa nyamû cia kîthaka ikamamaga.

Jeremia 12:14

Ngai-Mûnene arera andû arîa aganu arîa mariganîtie na vûrûri ûrîa Ngai-Mûnene aaveere andû a Isiraeli ûrî îgai rîao atîrî, “Nama nîngûkûûra andû akwa maume vûrûrirî wao, na ngûûre vûrûri wa Juda ume gatagatî kao.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Jeremia 20:4

Nîûndû Ngai-Mûnene arauga atîrî, ‘Ta roria nîngatûma ûtuîke kiumo Kîam guoya kûrî we mwene na kûrî arata aku onthe. O nîmakaûragîrwa mbaararî nî nthû ciao ûkîonaga. Nîngavecana vûrûri wonthe wa Juda kûrî mûthamaki wa Babuloni. Nake nîakamoca amavire Babuloni marî mîgwate na nîakamaûraga.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 25:8

Kwoguo Ngai-Mûnene mwene vinya wonthe arauga atîrî, “Nîûndû nîmûregete kwathîkîra ciugo ciakwa,

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 35:11

Nwatî rîrîa Nebukadinezarû mûthamaki wa Babuloni aakinyire vûrûrirî ûyû na akîûtharîkîra, nîtwatuire tûke Jerusalemu nîguo twîgitîre kuuma kûrî athigari a mbaara a Babuloni na a Sîria. Kîu nîkîo gîtûmîte tûtûûre gûkû Jerusalemu.”

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 40:2

Mûnene wa arangîri nîwocire Jeremia na akîmwîra atîrî, “Ngai-Mûnene Ngai waku nîwaugire atî nîagaacûkangia vandû ava,

Jeremia 43:10

Nîûgacoka wîre andû a Juda atî: Ngai-Mûnene mwene vinya wonthe, Ngai wa Isiraeli augîte atî: nîngatûma ndungata yakwa mûthamaki Nebukadinezarû wa Babuloni, nake nîakaiga gîtî gîake Kîam ûthamaki îgûrû rîa mathiga mama nathika ava, na aige îgema rîake rîa ûthamaki îgûrû rîa mo.

Jeremia 46:20

Misiri nî ta mori nthaka, nwatî kîvogo kuuma mwena wa rûgûrû nîgîkûtharîkîrîte.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Ezek 12:20

Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”

Ezek 16:40

“Nîmakaaunjuga kîrîndî na gîkûrive na mathiga, na nîmagaagûtinangia tûcunjî na mviû.

Ezek 21:11

Kwoguo rûviû rûnenganîrîtwe nîguo rûthûwe, nîguo rûnyitîke na njara; Rûnooretwe na rûkatherua nîguo rûnengerwe ûrîa ûraganaga.

Ezek 26:7

Ngai-Mûnene Ngai augîte atîrî, “Nîngaareta Nebukadinezarû mûthamaki wa Babuloni, mûthamaki ûrîa mûnene gûkîra athamaki arîa engî wa kuuma mwena wa rûgûrû atharîkîre Turo. Agaaûka arî na mbûtû nene ya athigari eengî, athigari matwîte mbarathi, na arî na mbarathi na ikaari cia mbarathi.

Ezek 36:5

“Kwoguo nie Mwathani Ngai-Mûnene, nîûndû nîrî mûrakaru, nîngûverithia andû onthe a mavûrûri marîa mamûthiûrûrûkîrîtie na Edomu kuonthe. Andû acio nîmaanyitire vûrûri wakwa na nîmoonanirie kînyarari ngororî ciao na makîûgaana ûtuîke wao.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Habakuku 1:17

Nîkwa magûtûûra macomoranagîra mviû cia njûra, na kûûraga andû a ndûrîrî irîa ciîngî gûtarî ntha?

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.