Jeremia 25:34 - ÎVUKU RÎA ÛVORO MWARO

³⁴ Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 25:34 ပူးပေါင်းရင်းမြစ်များ

2Maû 36:10

Îvinda rîa mvevo rîa mwaka, mûthamaki Nebukadinezarû nîwatûmanire Jehoiakini agîrwe na avirwe Babuloni vamwe na indo cia goro cia hekarû. Nebukadinezarû nîwacokire agîtua Zedekia, mûrwang'ina na Jehoiakini mûthamaki wa Juda na Jerusalemu.

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 2:16

Nîagaacûkangia meri cia Tarishishi, na acûkangie matarû monthe mathaka.

Isaia 30:14

Kwomomoka kwa rûthingo rûu nîta kwa nyûngû îrîa îkucaga îkavaragana, gûtarî wanarî karûgîo kangîkuuwa makara ma mwaki, kana kangîtava manjî kuuma kîrikorî.”

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Isaia 34:7

Mbogo cia njamba ikaaûraganîrua vamwe nao, natuo tûregwa tûraganîrue vamwe na ndegwa irîa irî vinya. Vûrûri wao nîûgecûra nthakame, naguo mûthetu wao ûnorue nî maguta mao.

Jeremia 18:22

Kîrîro nî kîguwe mîciîrî yao, rîrîa ûkamaretera gîkundi gîa acunani wa rîmwe! Nîûndû nîmamînjîrîte îrima nîguo ngwe, na magatega mîtego nîguo ngwatue.

Jeremia 22:28

Nîkwa Konia anyararîtwe ta nyûngû nguû, îrîa gûtarî mûndû ûrî vata nayo? Nîndûî gîtûmîte ke na ciana ciake mavirwa îthamîriorî, vûrûrirî ûrîa mataicî?

Jeremia 23:1

Ngai-Mûnene arauga atîrî, “Arîthi arîa maûragaga ng'ondu cia ndîthia yakwa, kaî marî na thîna-î!”

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:23

andû arîa matûûraga Dedani, Tema, Buzi na andû onthe arîa menjagwa njuîrî igakuvîva;

Jeremia 25:36

Tathikîrîriani kîrîro Kîam arîthi na gûkaîrîria gwa atongoria a ng'ondu! Nîûndû Ngai-Mûnene nîaracûkangia kûndû kwao gwa kûrîthia,

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Jeremia 48:38

Îgûrû rîa nyomba cionthe cia Moabu na ivaarorî cia gûcemanîrua gwîcûrîte macakaya matheri. Nîûndû nîmbûragîte Moabu ta nyûngû îrîa gûtarî mûndû ûngîmîtûmîra. Ûguo nîguo nie Ngai-Mûnene nîrauga.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Maca 4:21

Kena na ûcanjamûke we mwarî wa Edomu, wana mue mûtûûraga Uzi kenani, nwatî îvinda rîenyu rîa mathîna nîrîgûkinya, mûkathiîcaga mûgîtûgûgaga na mûrî njaga.

Ezek 34:20

“Kwoguo, nie Ngai-Mûnene Ngai nîramwîra atî nîngaatwithania ciira gatagatî ka ng'ondu irîa noru na ng'ondu irîa ng'înju.

Danieli 11:8

Wana nî agaakuua ngai ciao cia mîvuanano athiî nacio Misiri wa vamwe na indo cia thaavu na cia sîlûva irîa itegeretwe ngai icio. Gûkethîrwa kûrî na thayû mîaka mîîngî.

Hosea 8:8

Andû a Isiraeli nîamerie; rîu marî gatagatî ka mavûrûri mengî, ta kîndû gîtarî na vata;

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Zakaria 10:3

Ngai-Mûnene mwene vinya wonthe augîte atîrî, “Nîndakarîtue mûno nî arîthi, na nîngaaverithia atongoria nîûndû Ngai-Mûnene nî amenyagîrîra andû ake a Juda; nîakaamatua ta mbarathi ciake cia mbaara irî na vinya.

Zakaria 11:3

Tathikîrîriani kîrîro Kîam arîthi, nîûndû riiri wao nîmûthiru! Tathikîrîriani mûraramo wa mînyambû, nîûndû mîtitû îrîa îrî rûtere rwa rûnjî rwa Jorodani nîmîanangîku!

Jakuvu 5:5

Mûtûûrîre wenyu gûkû nthî wîthîrîtwe wîcûrîtwe nî mîago na ikeno. Mwînoretie ta ndegwa yetererete mûthenya wa kûthînjwa.