Jeremia 25:30 - ÎVUKU RÎA ÛVORO MWARO

³⁰ “ ‘We Jeremia nîûkaaratha maûndû mama monthe îgûrû rîao na uuge atî: Ngai-Mûnene nîakaararama kuuma îgûrû, na arie mûgambo arî kûrîa kûtheru ekaraga, nîakaaruruma na vinya îgûrû rîgiî andû ake, nîakaaugîrîria ta andû arîa makinyangaga thavibu, îgûrû rîgiî atûûri onthe a nthî.

Jeremia 25:30 ပူးပေါင်းရင်းမြစ်များ

2Sam 15:25

Mûthamaki nîwacokire akîîra Zadoku atîrî, “Cokia îthandûkû rîa kîrîkanîro Kîam Ngai-Mûnene îtûûrarî. Ethîrwa Ngai-Mûnene nîmûkenu nînie, vîndî îmwe nîakanjokia gûkû rîngî nîguo nîrîone na mone varîa rîkaraga.

1Atha 9:3

Ngai-Mûnene nîwerire Solomoni atîrî, “Nîmbîguîte îvoya rîaku wana îthaithana rîaku. Nînamûra nyomba îno ûndumîrîte nîguo ndûûre ngoocagîrwa kuo tene na tene. Nîndûûra nîmîgitîrîte na nîmîmenyererete vîndî cionthe.

2Maû 30:27

Athînjîri-Ngai na Alawi nîmaacokire magîûkîra na makîvoera andû na Ngai nîwegwire mavoya mao arî îgûrû kûrîa kûtheru atûûraga.

Thaburi 11:4

Ngai-Mûnene arî hekarûrî yake ntheru, gîtî gîake Kîam ûthamaki kîrî kûu îgûrû, aroragia andû onthe kûrîa marî na nîamenyaga maûndû monthe marîa mekaga.

Thaburi 132:14

“Îno nîyo nyomba yakwa îrîa ngûtûûra tene na tene; nîndûûra gûkû nîûndû nînîkwendete.

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 58:5

kîrîa gîkunîkaga matû gîtikegue mûgambo wa mûrogi, kana ciugo cia mûringi ciama ûrîa mwara.

Thaburi 78:65

Mwathani nîwacokire akîramûka takwa aaumîte tororî, ta mûndûmûrûme njamba acanjamûrîtwe nî ndivei.

Isaia 16:9

Kwoguo Jazeri akîrîra wananie nînîrarîra nîrarîra nîûndû wa mîthavibu ya Sibuna. Methori makwa maretîka nîûndû wa Heshiboni na Eleale, nîûndû gîkeno Kîam matunda na maketha ma maku, na gîkeno Kîam maketha ma ngano nî kîthiru.

Isaia 33:3

Andû nîmaûraga nî mûrurumo wa mûgambo waku, rîrîa waûkîra mavûrûri nîmanyaganagia.

Isaia 42:13

Ngai-Mûnene aumagarîte ta njamba îrî vinya, evarîrîtie kûrûa ta mûthigari arî mbaararî. Nîaraugîrîria, aranîrîra na mûgambo mûnene, na nîareyonania arî na vinya gûkîra nthû ciake.

Jeremia 17:12

Kûrî na gîtî Kîam ûthamaki kîrî na riiri, Kîamigirwe kîrî gîtûûgîru kuuma wa Kîammbîrîria, kûu nîkuo gwetû kûrîa kûtheru.

Jeremia 25:38

Ngai-Mûnene nîatiganîrîtie andû ake, ta ûrîa mûnyambû ûtiganagîria ngurunga yaguo; vûrûri wao ûtuîkîte werû mûtheri, nîûndû wa mbaara ya arîa mavinyanagîrîria, na nîûndû wa marakara ma Ngai-Mûnene.

Jeremia 48:33

Vûrûri mûnoru wa Moabu nîmûcune gîkeno na ûcanjamûku, nîndûmîte ndivei ndîkaume ivivîrorî cia thavibu, gûtirî mûndû ûvivaga ndivei arî na gîkeno, înegene rîu mûregua tî rîa gîkeno.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Hosea 5:14

Nie ngethîrwa mbîkariî ta mûnyambû kûrî Efiraimu, ngethîrwa mbîkariî ta kaana ka mûnyambû kûrî Juda. Nie mwene nîngamatarûranga tûnuku ngînathiî, nîngamoca na gûtirî mûndû ûkaamavonokia.

Joeli 3:16

Ngai-Mûnene nîararuruma arî kîrîmarî gîa Zayuni; aranîrîra na mûgambo mûnene arî Jerusalemu, îgûrû na nthî nîirainaina. Ngai-Mûnene nîke rîûrîro rîa andû ake, nîke ûgitagîra andû ake.

Amosi 1:2

Amosi nîwaugire atîrî, Ngai-Mûnene nîararama arî kîrîmarî gîa Zayuni; na akaruruma arî Jerusalemu, wana nyaki ya arîthi nîraûma. Nyaki îrîa îrî kîrîmarî gîa Karimeli nîîravova.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Gûco 26:15

Ngai-Mûnene, ûrî îgûrû kûu kûtheru ûtûûraga, rathima andû aku, Aisiraeli na vûrûri ûrîa ûtûveete wata ûrîa werîre methe metû na mwîvîtwa, vûrûri wîcûrîte îriia na ûûkî.’

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.