Jeremia 25:16 - ÎVUKU RÎA ÛVORO MWARO

¹⁶ Nîmakaanyua, marîwe na matûgûgane nîûndû wa andû arîa ngaûraga gatagatîrî kao.”

Jeremia 25:16 ပူးပေါင်းရင်းမြစ်များ

Jeremia 13:12

Ngai-Mûnene, Ngai wa Isiraeli nîwambîrire atîrî, “Jeremia, îra andû a Isiraeli atî nyûngû cionthe nîigeecûrua na ndivei. Nao nîmagacokia atî, ‘Kinthî tûtiîcî atî nwa nginya inya cionthe ciîcûrue na ndivei?’

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 45:5

Nîkwa ûracaria maûndû manene? Ndûkamacarie! Nîûndû nînîrarete mûthiro kûrî andû onthe a nthî. Nwatî nîngavonokia mwoyo waku kûrîa kuonthe ûkaathiîcaga. Ûguo nîguo nie, Ngai-Mûnene nîrauga.”

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Jeremia 51:39

Wana marakarîte ûguo, nîngûmarûthîra kîrugo, nînîmava ndivei nginya marîwe na mamame, macoke mamame toro matagaûkîra rî kana rî.” Nînie Ngai-Mûnene nauga ûguo.

Jeremia 51:7

Babuloni yekariî ta gîkombe Kîam thaavu, kîrî njararî cia Ngai-Mûnene, gîatûmaga nthî yonthe îrîwe; mavûrûri maanyunyaga ndivei kuuma kûrî kîo makauma ngoma.

Maca 3:15

Atûmîte ngîa na mathîna meengî, na ngîa na ûrûrû mwîngî.

Maca 4:21

Kena na ûcanjamûke we mwarî wa Edomu, wana mue mûtûûraga Uzi kenani, nwatî îvinda rîenyu rîa mathîna nîrîgûkinya, mûkathiîcaga mûgîtûgûgaga na mûrî njaga.

Obadia 1:16

Wata ûrîa naverithirie andû akwa marî kîrîmarî kîrîa Kîammûre, nwaguo ngaaverithia andû a mavûrûri marîa mariganîtie nao. Ngaamaverithia mathire viû. Magacûkangua mekare takwa mataatûûraga kuo.

Nahumu 3:11

Nineve, wanawe nîûkaarîwa! Wanawe nîûkaaûra nî nthû yaku.

Kûguû 14:10

wa nake nîakaanyua ndivei ya mang'ûrîka ma Ngai, îkîrîtwe gîkomberî Kîam marakara make îtarî ndwekie! Andû onthe arîa mageeka ûguo nîmakaaverithua na mwaki na ûviriti marî mbere ya araika arîa atheru na mbere ya Gatûrûme.

Kûguû 14:8

Mûraika wa kaîrî nîwarûmîrîre ûrîa wa mbere. Nake nîwaugîrîrie atîrî, “Babuloni nî îgwîte, îtûûra rîrîa rînene rîa Babuloni nî rîgwîte. Nîyatûmire andû arîa matûûraga gûkû nthî mevia. Maavanire ta maavetwe ndivei manyue îrîa îgaatûma Ngai amaverithia.”

Kûguû 18:3

Mavûrûri monthe matuîkîte mîrîu ya merirîria macûku ma mwîrî. Athamaki a nthî nîmatharîtie nake. Nao avûri a mbiacara, matuîkîte itonga kuumana na merirîria meengî mûcûku make ma mwîrî.”