Jeremia 25:12 - ÎVUKU RÎA ÛVORO MWARO

¹² Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:12 ပူးပေါင်းရင်းမြစ်များ

2Atha 24:1

Vîndî wa îo Jehoiakimu aarî mûthamaki, Nebukadinezarû, mûthamaki wa Babuloni nîwatharîkîre Juda, na Jehoiakimu agîtuîka ndungata yake îvinda rîa mîaka îthatû (3). Nîwacokire akîregana nake.

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Thaburi 137:8

We mwarî wa Babuloni, nîûgaacûkangua! Gûkena nî mûndû ûrîa ûgaagwîka wata ûguo ûtwîkîte.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Isaia 15:6

Karûnjî ka Nimurimu nî kavwîu; nyaki ya kuo nî nyûmû, mîmera nî mîvovu, gûtirî kîndû kîrakûra kuo.

Isaia 20:1

Mwaka ûrîa mûnene wa athigari a mbaara aakinyire îtûûra rîa Ashidodi atûmîtwe nî Sarigoni mûthamaki wa Asîria, akîrîtharîkîra na akîrînyita,

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 46:1

“Beli nîînamîrîrîte, Nebo nî ngwîu nthî; mîvuanano ya ngai icio îkuuîtwe nî nyamû na ng'ombe, indo ino ititikithîtue mvunda, nî mîrigo îrî mîrukuthurî ya nyamû icio nogu.

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 25:14

Andû a Babuloni nîmagaatuîka ngombo cia mavûrûri mengî na athamaki engî. Nîngamaverithia kûringana na maûndû macûku marîa meekire.”

Jeremia 27:22

Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Ezek 35:9

Nîngaatûma ûtuîke werû tene na tene, na matûûra maku marîa manene matigaacoka gûtûûrwa nî andû rîngî. Nawe nîûkaamenya atî, nie nînie Ngai-Mûnene.

Danieli 9:2

Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.

Habakuku 1:17

Nîkwa magûtûûra macomoranagîra mviû cia njûra, na kûûraga andû a ndûrîrî irîa ciîngî gûtarî ntha?