Jeremia 25:11 - ÎVUKU RÎA ÛVORO MWARO

¹¹ Vûrûri ûyû wonthe nîûkomomorwa ûtuîke îganjo na mavûrûri marîa mariganîtie naguo nîmagaatungatîra mûthamaki wa Babuloni îvinda rîa mîaka mîrongo mûgwanja.

Jeremia 25:11 ပူးပေါင်းရင်းမြစ်များ

2Maû 36:20

Andû a Juda arîa maatigarire nîmaavirirwe îthamîriorî Babuloni na magîtuîka ndungata cia mûthamaki wa Babuloni na njiarwa ciake. Nîmaatûûrire kûu marî ngombo nginya rîrîa kwagîîre na ûthamaki wa Perisia.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:38

Ngai-Mûnene nîatiganîrîtie andû ake, ta ûrîa mûnyambû ûtiganagîria ngurunga yaguo; vûrûri wao ûtuîkîte werû mûtheri, nîûndû wa mbaara ya arîa mavinyanagîrîria, na nîûndû wa marakara ma Ngai-Mûnene.

Jeremia 27:22

Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 28:14

Ngai-Mûnene, mwene vinya wonthe Ngai wa Isiraeli augîte atî nîagwîkîra andû a mavûrûri monthe îcoki rîa cuuma, na atî magatungatagîra Nebukadinezarû Mûthamaki wa Babulonia. Augîte atî nginya nyamû cia kîthaka igaatungatagîra Nebukadinezarû.”

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 4:26

Nînaroririe na ngîona vûrûri ûrîa mûnoru ûtuîkîte werû, na matûûra ma kuo marî momomore, nîûndû wa marakara meengî ma Ngai-Mûnene.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 43:10

Nîûgacoka wîre andû a Juda atî: Ngai-Mûnene mwene vinya wonthe, Ngai wa Isiraeli augîte atî: nîngatûma ndungata yakwa mûthamaki Nebukadinezarû wa Babuloni, nake nîakaiga gîtî gîake Kîam ûthamaki îgûrû rîa mathiga mama nathika ava, na aige îgema rîake rîa ûthamaki îgûrû rîa mo.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Ezek 12:19

Îra andû a vûrûri ûyû ndûmîrîri ya Ngai-Mûnene îgiî andû arîa matûûraga Jerusalemu vûrûrirî wa Isiraeli atî, makaarîa irio magîtetemaga na makaanyua manjî makinainaga. Vûrûri wao ndûkethîrwa na kîndû nîûndû andû onthe arîa matûûraga kuo nî aremi.

Ezek 29:11

Îvinda rîa mîaka mîrongo îna vûrûri ûcio ndûgaatûrwa nî andû na gûtirî mûndû ûkaavîtûkîrîra kuo kana nyamû îvîtûkîrîra kuo.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Danieli 9:2

Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Mika 7:13

Nwatî nthî nî îgaatuîka werû, nîûndû wa waganu wa andû arîa matûûraga kuo.

Zakaria 1:12

Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”

Zakaria 7:5

na akîmbîra atîrî, “Ûria andû onthe a Isiraeli na athînjîri-Ngai kana rîrîa menyerekagia na magacakaya mweri wa gatano na wa mûgwanja îvinda rîa mîaka mîrongo mûgwanja îthirîte, mekaga ûguo nîûndû wakwa?