Jeremia 25:10 - ÎVUKU RÎA ÛVORO MWARO

¹⁰ Nîngakiria arîa onthe makethîrwa makîanîrîra marî na gîkeno na macanjamûkîte wana arîa makethîrwa makinîra mûviki na mûvikania. Mîgambo ya ithîi ndîkeguîka na taa nîikavorua.

Jeremia 25:10 ပူးပေါင်းရင်းမြစ်များ

Esita 3:13

Namo maarûa mau nîmavirirwe mavûrûrirî monthe marîa maathanagwa nî mûthamaki ûcio na mandîkîtwe atî Ayahudi onthe, ciana, athuuri, aka na anake maûragwe. Nao nîmakaûragwa matakwîguîrwa ntha na indo ciao cionthe ciocwe.

Esita 7:4

Andû akwa nî endie nîguo maûragwe mathirue. Kethîrwa nîkwa makwendua tûtuîke ngombo nie ndingîrî gûkûthînia we mûthamaki, nwatî rîu nîkwa tûrenda kûragwa tûthire viû.”

Esita 8:11

Maarûa icio ciataaragîria atî mûthamaki nîagwîtîkîria Ayahudi arîa maarî matûûrarî monthe matûngane mavange ûrîa makwîgitîra. Maarî na rûtha rwa kûraga na gûcûkangia viû athigari kuuma vûrûri wa wonthe arîa mangîamatharîkîre, ciana ciao kana aka, na gwoca indo ciao.

Isaia 47:2

Oca mathiga ma kîthîi na ûthîe mûtu! Ruta gîtambaa gîaku gîa kûthitha ûthiû, ûrute nguo yaku îrîa ndaca! Gucagucia nguo ciaku na îgûrû, nîguo ûringe nyûnjî.

Jeremia 16:9

Nîûndû nie, Ngai-Mûnene Ngai wa Isiraeli nîrauga atîrî: “Nîngathiria mîgambo ya andû arîa marakena na magacanjamûka, na nthirie mîgambo ya gîkeno Kîam mûviki na mûvikania. Maûndû mama monthe ngeka mûrî mwoyo na mûkîmonaga.

Jeremia 48:33

Vûrûri mûnoru wa Moabu nîmûcune gîkeno na ûcanjamûku, nîndûmîte ndivei ndîkaume ivivîrorî cia thavibu, gûtirî mûndû ûvivaga ndivei arî na gîkeno, înegene rîu mûregua tî rîa gîkeno.

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Maca 5:15

Gîkeno Kîam ngoro cietû nîkîthiru, îthenya rîa kwîinia twîcûrîtwe nî kîeva.

Ezek 26:13

Nîngaatûma mîgambo ya nyîmbo ciaku îthire, na mûgambo wa inanda ciaku irîa nene na ngita ndûkeguwa rîngî.

Hosea 2:11

Nîngarûgamia mambura make monthe, irugo ciake cia mwambîrîrio wa mweri na cia thavatû, na magongoona marîa mengî monthe matuîtwe.