Jeremia 24:7 - ÎVUKU RÎA ÛVORO MWARO

⁷ Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 24:7 ပူးပေါင်းရင်းမြစ်များ

2Maû 6:38

ethîrwa nama nîmakerira na kinyi marî vûrûri ûcio mûgeni na mavoe merekerete vûrûri ûrîa waveere methe mao, îtûûra rîîrî ûthuurîte na hekarû îrîa ndumîte îtanîtue na rîîtwa rîaku,

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 3:10

Kûnarî ûguo, mwarwang'ina Juda ûrîa warî mûthaani, ndanjokerera na ngoro yonthe; nwatî aarî na ûvinga. Ûguo nîguo Ngai-Mûnene arauga.”

Jeremia 30:22

“Nîmagaatuîka andû akwa, na nie nduîke Ngai wao.”

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Ezek 11:17

“Kwoguo meere Ngai-Mûnene augîte nîngaamaûngania nîmarute mavûrûrirî marîa naamanyaganîrie, na nîngaamacokia vûrûrirî wa Isiraeli.

Ezek 14:11

Nao andû a Isiraeli matigaacoka kûndiganîria rîngî, kana megwatia mûgiro na maûndû macûku marîa mekaga, nwatî magaatuîka andû akwa, nanie nduîke Ngai wao. Nînie Ngai-Mûnene nauga ûguo.”

Ezek 16:62

Nîngaarûtha kîrîkanîro gîakwa nawe na nîûkaamenya atî nie nînie Ngai-Mûnene.

Ezek 37:23

Matigaacoka kwîgwatia mûgiro na ngai icio ciao cia mîvuanano rîngî na maûndû marîa nie nthûrîte, kana na mavîtia mao. Nwatî nîngaamavonokia kuuma kûrî maûndû monthe marîa matûmaga mevie na maregane nanie na nîmatherie. Magaatuîka andû akwa, nanie nduîke Ngai wao.

Ezek 37:27

Nîngaatûûranagia nao na nduîke Ngai wao, nao matuîke andû akwa.

Ezek 39:22

Nyomba ya Isiraeli nîkaamenya kuuma mûthenya ûcio atî nînie Ngai-Mûnene Ngai wao.

Hosea 2:22

Nayo nthî nîkaagîa na ngano, ndivei, na maguta ma mûtî wa mûtamaiyû. Nacio nîikaavingîria Jezireeli maavata make.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”