Jeremia 23:8 - ÎVUKU RÎA ÛVORO MWARO

⁸ nwatî makevîtaga makiugaga, ‘Wata ûrîa Ngai-Mûnene atûûraga mwoyo, ûrîa watongoririe andû a Isiraeli kuuma mavûrûrirî marîa marî mwena wa rûgûrû na akîmaruta mavûrûrirî monthe kûrîa aamanyaganîrîtie.’ Nao nîmagacoka matûûre vûrûrirî wao kîûmbe.”

Jeremia 23:8 ပူးပေါင်းရင်းမြစ်များ

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Jeremia 16:14

Ngai-Mûnene arauga atîrî, “Îvinda nîrîgûkinya rîrîa andû matakevîta na rîîtwa rîakwa nie Ngai ûrîa ûtûûraga mwoyo, ûrîa warutire andû a Isiraeli vûrûrirî wa Misiri.

Jeremia 16:15

Nwatî, makevîta nanie ta Ngai-Mûnene mûtûûra mwoyo, ûrîa warutire andû a Isiraeli vûrûrirî ûrîa ûrî mwena wa rûgûrû, na kuuma mavûrûri marîa mengî kûrîa natûmire manyaganîrie. Nîngûmacokia vûrûrirî wao ûrîa naveere methe mao.”

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:8

Taroria nîngamareta kuuma vûrûri wa mwena wa rûgûrû na nîmacokanîrîrie kuuma mîthiia yonthe ya nthî. Magaacoka marî gîkundi kînene, gatagatîrî kao kûrî ndumumu cionje na ithua, aka arîa marî na mavu na arîa marî vakuvî gûciara.

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Jeremia 8:3

Andû arîa maatigarire a rûrîrî rûrû rwaganu, arîa matûûraga kûrîa namanyaganirie nîmakerirîria gûkua gûkîra gûtûûra mwoyo, ûguo nîguo Ngai-Mûnene, mwene vinya wonthe arauga.”

Ezek 28:25

Ngai-Mûnene Ngai arauga atîrî, “Nîngaûngania andû a Isiraeli na nîmacokanîrîrie vamwe kuuma mavûrûrirî marîa maanyaganîrîtue. Ngeeka ûguo nîguo andû a ndûrîrî mone ûthingu wakwa. Nao andû a Isiraeli nîmagacoka gûtûûra vûrûrirî ûrîa naveere Jakovu, ndungata yakwa.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Ezek 36:35

Andû nîmakaauga atî vûrûri ûrîa watiganîrîtue rîu ûtuîkîte ta mûgûnda wa Edeni. Namo matûûra marîa maarî momoku, na magatuîka maganjo rîu nîmatûûrîtwe rîngî na makagitîrwa na nthingo.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Ezek 39:28

Nao nîmakaamenya atî nînie Ngai-Mûnene Ngai wao, nîûndû nînatûmire mavirwe îthamîriorî. Rîu nîmacoketie vûrûrirî wao na gûtirî mûndû wanarî ûmwe wao ûtigîtwe na vuva.

Joeli 3:7

Rîu nîngûruta andû akwa kûrîa mwamendirie. Ngaamwîka wata ûguo mwamekire.

Mika 7:15

Twonie maûndû ma magegania, ta marîa twonire rîrîa twaumaga Misiri.

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.